"It's Showtime" ipabilin sa Dos

CEBU, Philippines - Gihimakak sa management sa ABS-CBN ang report nga matud pa hulipan ang noontime show nga “It’s Showtime” .

“ABS-CBN is neither replacing ‘It’s Showtime’ with another program nor moving it back to its earlier timeslot,” suma pa ni Bong R. Osorio, ang head sa ABS-CBN Corporate Communications.

Gani gipun-an nila og bag-ong segments ang maong show aron daghan ang matagaan nila og pahiyom.

Ang maong show pabilin nga gitagaan og kinabuhi nila ni Vhong Navarro, Anne Curtis, Vice Ganda, Kim Atienza, Karylle ug uban pa.

Kahinumduman nga miulbo ang mga hungihong sa miaging adlaw nga ang programang Palibhasa Tanghali maoy ihulip sa nahisgutang programa. 

Ella suportado sa iyang mommy

Sa Lunes na magsugod sa Primetime Bida sa Kapamilya network ang labing bag-ong teleserye nga Aryana. Gibituonan kini ni Ella Cruz nga misunod sa mga tunob nila ni Claudine Barretto, Anne Curtis ug Mutya Orquia sa role nga sirena sa soap opera. Mutulo ang luha ni Ella ug sa iyang mommy Jessica basta mahisgutan ang ilang mga kasinatian sa wala pa hingpit nga nakasulod sa showbiz ang young star. “Talagang noong nagsimula na nag-a-audition pa lang kami, pila-pila, mga supporting roles, siya (mommy Jessica) na po ang lagi kong kasama, sa mga taping siya lang. Kahit puyatan siya po ang nagda-drive, wala po kasi kaming driver, si mama lang po talaga. Siya ‘yung tumutulong sa akin para maabot ko ‘yung pangarap ko kaya sobra-sobra ang pasasalamat ko sa kanya kasi hindi niya ako pinabayaan,” emosyonal nga pamahayag ni Ella. Makadaghan na matud pa siya nga wala madawat sa iyang auditions kaniadto, ug ang iyang mommy maoy kanunay nga naa para musuporta niya.

“Siguro hindi ito ‘yung role na para sa iyo, hindi mo pa panahon na sumikat, maghintay ka lang, mag-pray ka lang, dadating din ‘yung panahon mo para sumikat,” tsika ni Ella.

Hangtud karon naglisud pa og tuo si Ella sa break nga iyang naangkon. Ang Aryana istorya sa usa ka bata nga gisumpa nga mahimong sirena sa edad nga 14-anyos. Boy Abunda, uban sa report ni James C. Cantos/PSN