Jessica: Normal lang ang mga pagsaway!

CEBU, Philippines - Gihulagway sa American Idol Season 11 Filipino-Mexican-American finalist nga si Jessica Sanchez nga dakong hagit kaniya sa higayon nga makadawat siya og mga pagsaway.

Matud pa niya nga gikinahanglan lang gyud ang taas nga pasensya aron dili maapektohan ang iyang performance sanglit dili gyud malikayan nga makadawat siya og mga pagsaway.

Gitataw ni Jessica nga gitun-an na niya karon ang mga pamaagi aron iyaha na nga matul-id ang iyang mga sayop ilabi na sa mga obserbasyon sa mga hurado nga nagkuwang ang iyang performance sulod na sa duha ka semana.

Kasagaran nga reaksyon nga madawat ni Jessica nga matud pa nga dili haom kaniya ang mga upbeat songs ug angayan lang siya sa mga pangbirit nga kanta.

Apan walay mahimo si Jessica sanglit kinahanglan nga masuweto siya sa tanang klase sa awit.