Richard pagod na sa demanda

Nagpaunlak ng interview si Richard Gutierrez after ng launching ng Deo Spray ng Bench Gutz & Glory cologne niya. Thankful ito sa patuloy na suporta ni Ben Chan at buong team ng Bench sa kanya. 

Nabanggit ni Richard na wala pang apology sa kanya ang isang AM radio station sa balitang natiketan siya for over speeding sa South Luzon Expressway (SLEX) kamakailan.

“Sana mag-apology sila, hindi na para sa akin, sa listeners na lang nila na nakarinig sa mali nilang balita. Wala akong balak gumawa ng action against them, nakakapagod na rin, basta alam ko kung ano ang totoo. Puwede kong ipagtanggol ang sarili ko sa ibang paraan,” sabi ni Richard.

Tungkol naman sa mga kontro­bersiya ng inang si Annabelle Ra­ma, sinabi nitong when it comes to her battle, hayaan siya at saka na lang siya tulungan ’pag kailangan na ang kanilang pamilya.

Pa-Honolulu, Hawaii pala si Richard dahil siya ang nai-request na mag-host ng FilCom Fiesta event ng GMA Pinoy TV. Sa May 5 ang event kaya next week, time out muna siya sa taping ng kanyang shows sa GMA 7.

Derek tinayuan ng balahibo kay Bea

Hindi napigilan ng PR ng TV5 nang magkuwento si Derek Ramsay tungkol sa The Amazing Race Philippines na kanyang iho-host. Ibinalita nitong June 2 ang pilot ng show, Saturday sa calendar at papalit yata sa time slot ng Valiente.

Ayaw ding pangalanan ng mga taga-TV5 ang mga nag-audition pero binanggit ni Derek sina Troy at KC Montero, Quizon brothers (sina Epi at Ronnie kaya ito?), may nabanggit din siyang Del Rosario brothers.

Ang The Amazing Race ang isa sa iho-host ni Derek sa TV5, susunod ang coverage niya ng 2012 London Olympics na gaganapin between July 27-August 12. Siya rin ang host ng Miss World-Philippines.

Nauna nang sinabi ni Derek na nalungkot siya nang inalis at pinalitan siya ni John Lloyd Cruz sa Star Cinema movie na The Mistress. Tumayo pa naman daw ang balahibo niya nang sabihing makakapareha niya si Bea Alonzo, pero wala rin palang nangyari. Babawi na lang siya sa Viva Films movie nila nina Anne Curtis at KC Concepcion.