"Buntis issue" gikataw-an lang ni Marian

Manila, Philippines --- Nagkatawa si Marian Rivera sa mikatap nga taho nga matud pa nagsabak siya ug iyang giklaro nga dili kini tinoud.

Matud pa sa aktres nga nga kung mahitabo kini, iyaha gyud kini nga isugilon sa publiko. Gitataw hinoun ni Marian nga wala pa sa iyang plano nga magpa-mabdos ni Dingdong Dantes gumikan kay daghan pa siya og plano sa kinabuhi ug sa iyang career.. 

“Tinext ako ni Dong na sinabi niya sa akin, gusto ko lang ipaalam sa 'yo na may lumalabas na buntis ka, how I wish sabi niyang ganun. Heto naka-white po ako ngayon, hindi po totoo 'yun talaga," suma pa ni Marian.

Naghinam-hinam na ang aktres sa bag-ong programa niya sa GMA-7 nga Tweets for my Sweet gumikay kay molutaw na usab ang iyang pagka-komedyante.

"Masaya talaga kami sa taping, wala kang malalanghap na masamang hangin," dugang pa ni Marian.

Karong May 6 na magsugod ang Tweets For My Sweet ug makauban niya sila si Nova Villa, Roderick Paulate, Barbie Forteza, Elmo Magalona, Miikey Bustos ug una kini nga higayon nga mo-arte si Chef Boy Logro isip apohan ni Marian.