Gerald insecure kay John Lloyd, nakabantay lagi kay Sarah!
Kung noon kay Kim Chiu ay walang kinaiinsekyuran si Gerald Anderson, kay Sarah Geronimo hindi siya 100% sure sa kapanatagan ng kalooban niya (parang gatas ah!). Lalo’t sa latest film nito ay katambal si John Lloyd Cruz na sinasabi ng lahat ay nagkaroon si Sarah ng damdamin noon. Kahit taken na ngayon si JLC at mukhang dun din patungo ang closeness nila ng Pop Princess, halatang insecure si Gerald kung kaya kahit hindi dapat ay nakikita siyang madalas sa set ng pelikula ng dalawa.
Hinahayaan naman siya ng Mommy Divine ni Sarah dahil tahimik lang naman itong nagmamasid at hindi nakagugulo sa kanyang anak. Besides, mukhang nasisiyahan si Sarah when he’s around. Pero ang nagri-react at nagtataka sa kanyang pagbisita ay ang mga fans na nasa set din. Feel nila nai-insecure si Gerald kung kaya napapadalas ang pagdalaw sa special someone niya.
Kitchen Musical biglang in demand sa cable channel
I’m sure marami ang maghahanap ngayon kung saang channel sa cable ipinalalabas ang Kitchen Musical na ginawa ng mga Kapamilya stars na sina Karyllle, Christian Bautista, at Thou Reyes sa Singapore at kung saan unang nakilala ni Christian ang kasalukuyan niyang girlfriend.
Siyempre interesado ang lahat na makita ang palabas sa TV na nanalo ng dalawang awards, Best Writing at Best Performance, sa New York Festival at nagbigay naman ng nominasyon kay Karylle bilang Best Actress sa Monte Carlo TV Festival at sa mga kasamahan niyang sina Arthur Acuna at Rahman-Hughes bilang Best Actor. Magaganap sa June ang recognition night ng Monte Carlo Filmfest.
Kapuso actor hihiramin para kina Angel at Angelica
Sa pagkawala ni Derek Ramsay sa poder ng ABS-CBN, maraming Kapamilya actors ang mabibiyayaan ng mga roles na tulad ng ginampanan niya sa The Other Woman. Pero sa halip, isang taga-labas ang napiling ipareha kina Angel Locsin at Angelica Panganiban sa isa na namang love triangle na kabisadong-kabisado nang gawin ng film arm ng ABS-CBN na Star Cinema, sa direksiyon ng blockbuster director na si Ruel Bayani.
Kung paano mangyayaring ipahihiram ng Kapuso Network si Dindong Dantes at kung sino naman mahihiram nilang artista in return ang siyang pag-uusapan ng husto sa mga susunod na araw. Samantala, mukhang in demand ngayon si Angel dahil balak naman ng Regal Entertainment, Inc. na pagtambalin sila sa isang reunion film ni Richard Gutierrez.
- Latest
