Alaut si Cristine

MANILA, Philippines - Poor, poor Cristine Reyes. Daw giguba niya ang paningkamot sa network pag-build up kaniya. Sa usa ka pagpamilok, kalit nga nahagba ang taas nga pagtan-aw sa publiko kaniya. Bisan unsa pa ka moderno sa panghunahuna natong mga Pinoy, dili nato madawat ang away sa mga kadugo. Maglagot kita sa mga dili makamao murespeto dili lamang sa pamilya kundi hasta na sa ubang tawo.

Hinaot pa unta nga makalingkawas si Cristine gikan sa lapok aron dili mausik ang tanan niyang paningkamot.

Toni Gonzaga sulundon

Dalaygon si Toni Gonzaga sa iyang tinguha nga mapalambo pa ang iyang kaugalingon. In fact she's one of the few. Daghang mga artista ang walay pakialam sa ilang mga kaugalingon. Nakalimtan na nila nga isip artista may obligasyon silang artista gyud tan-awon at all times. Daghan man gung mga artista nga artista kuno pero dili makamao muatiman sa ilang kaugalingon.

Si Toni migasto gyud aron kanunay nga maanyag ug artista tan-awon. Angayan nga sundon si Toni sa kadaghanan.

Swerte sa usa’g-usa

Samtang nagkadugay nagkalawom pud ang relasyon nila ni Angel Locsin ug Askalz player Phil Younghusband. Kung kaniadto daw mura lang og pang-showbiz tandem lang sila, karon murag lig-on nga contender na sila for marriage in the near future.

Both Angel and Phil wala mausab sa ilang relasyon ug daw naghimo pa nga inspirasyon sa usa’g-usa. Gani wala man isalikway ni Phil nga managsama sila nga nakadawat og mga pagdayeg sukad nahimong sila na.

Si Angel isip maayong artista ug si Phil isip maayong atleta.

If only for this, managsama nga gidawat nila nga swerte sila sa usa’g-usa.

Congrats to both of you.