Bisag giusab na, costume sexy gihapon

MANILA, Philippines - Kagahapon mibiya si Rocco Nacino paingon sa Ilocos Sur para sugdan na ang shooting sa pelikulang Lam-Ang nga pagabituonan niya.

Tsika pa niya nga nasukod na niya ang bahag nga maoy iyang isul-ob sa pelikula, sexy gihapon matud pa kining tan-awon bisan og giusab na ang estilo. Pero okay ra matud pa kay mao man gyud ni nga costume ang gikinahanglan sa movie.

Medyo bug-at ang iyang buot sa iyang paglarga sanglit birthday sa iyang amahan ugma nga mao puy first shooting day nila.

Magpabilin siya didto og pipila ka adlaw usa pa mubalik sa Manila alang sa taping pud sa The Good Daughter nila ni Kylie Padilla.

Truth has already prevailed

Nagpadala og statement ang abogado ni Annabelle Rama isip tubag sa mga pamahayag ni Nadia Montenegro nga magpa-file sila og Motion for Reconsideration sa nabasurang child abuse case nga ilang gipasaka batok sa nahisgutang talent manager.

Paningkamutan matud pa sa kampo ni Nadia nga muprisinta og testigo aron pamatud-an ang child abuse nga nahimo ni Annabelle ngadto sa mga anak sa nahauna.

Apan tubag sa abogado ni Annabelle: "It must be reiterated that it is not the number of witness that matter in the end but only the truth. And the truth has already prevailed that there was no child abuse."

Viva husayon si Ara ug Cristine

Samtang nagpakahilom si Cristine Reyes kabahin sa kasong gipasaka sa iyang maguwang nga si Ara Mina, ang Viva Artists Agency nga maoy nag-manage nilang duha maoy mipagawas og pamahayag.

Gipadayag sa Viva ang kaguol ug ang pasalig nga buhaton niini ang tanan aron mahusay ang mga managsuon.

Ang statement nagkanayon:

"Viva Artists Agency is saddened by the current issue between two of its stars, Cristine Reyes and Ara Mina. Management will do its best to try to mediate between the two, even as we will let the court case run its due course. Everyone is hoping that this will be resolved amicably soon in everyone's best interest."