Kapalaran ni Jessica sa American idol, malalaman na!

SEEN : Kabado ang mga Pilipino dahil ngayon malalaman ang kapalaran ni Jessica Sanchez sa American Idol.

Nagpakitang-gilas uli si Jessica sa pagkanta noong Miyerkules pero hindi sapat ang kanyang superb performance upang manatili siya sa American Idol.

SCENE: Nag-isip ang mga organizers ng Guillermo Mendoza Memorial Scholarship Foundation ng bagong title na ipagkakaloob kay Vice Ganda upang ma-please ito dahil ibinigay nila kay Derek Ramsay ang korona ng 2011 Box Office King.

SEEN : Matamlay at nawala ang freshness ni Daniel Matsunaga nang hiwalayan siya ni Heart Evangelista.

Ganoon din ang naging hitsura ni Jericho Rosales nang matapos ang pakikipagrelasyon nito kay Heart noon.

SCENE : Ang report ng Unang Hirit tungkol sa pagtanggi nina Marian Rivera at Katrina Halili na may iringan sila sa set ng My Beloved.

Si Katrina ang nagsimula ng gulo dahil siya ang unang nagpahayag sa Twitter ng kanyang pagkadis­maya kay Marian.

SEEN : Ang mga litrato mula sa sex video nina Katrina Halili at Hayden Kho, Jr. na naka-post sa Top Images for Katrina sa Twitter.

SCENE : Hindi pa nagsasalita si Cristine Reyes tungkol sa libel at grave coercion cases na isinampa ni Ara Mina laban sa kanya.

Nagagalit kay Cristine ang mga members ng entertainment press na tinawag niya na basura.

SEEN : Nagsimula na ang audition ng TV5 para sa mga interested contestants ng kanilang bagong reality show, ang Temptation Island.

SCENE : Ang report ng Box Office Mojo sa mga pelikula na ipinalabas sa mga sinehan sa Pilipinas mula April 11 hanggang April 15.