Relationship Wrecker

CEBU, Philippines - Mga duha ka semana na ang milabay nakakita ko og The Talk sa Talk TV (RPN9) diin ang mga hosts naghisgut og divorce or pagkapukan sa usa ka kaminyuon. Usa sa mga hosts mikomentaryo nga dili matud pa angay basulon ang third party, o ang binuhat nga maoy hinungdan sa pagkapukan sa relasyon. Angay matud pa nga pahimungtan mao ang bana o asawa nga nasayod na nga may kabilinggan na siya isip pamilyado, apan nagpaanod sa bul-og sa pagbati (o biga?), ug nagkulukadidang. Sakto, di ba? Pakpak!

Kasagaran, kun magbuwag ang magtiayon, ang pahimungtan dayon mao ang kabit. What if, ang bana or asawa nagpatuo nga gawasnon pa siya nga mahigugma or nangangkon nga wala pa siya’y kabilinggan? Sa maong sitwasyon, hasta ang kabit, mahug nga biktima kay giilad man siya. Uroy og babaye, pamabdosan siya, unya masayran sa asawa ang maong immoral nga relasyon, di makaluluoy ang kabit kay nasudlan man og binhi sa pagluib. Pakkk!

Pareha ra sad na sa manag-uyab. Kun magkabuwag kay naay third party o miduwa og laing team ang boyfriend or girlfriend, ang third party maoy pahimungtan. Sala kaha na niya or biktima lang pud na siya? Pakkk!

Nakahinumdom na man lang nuon ko sa akong pagpaniudto sa usa ka carenderia diri’s V. Gullas adtong Lunes nga nakatawa na lang ko sa lalaki nga akong nasundan padung sa cashier’s area. Ang laki kay paraygon kaayo’g tingog, so uyab gyud siguro to iyang ka istorya sa phone. Basta kay akong nadunggan nga miingon ang laki: “wala lagi koy kuyog, ako ra laging usa.” Wala ray usa ka minuto naay miduol nga babaye, unya gipangutana sa laki unsay iyang order. Unya kay sweet man silang duha, uyab pud tingali to niya. Tuara! Namakak nang daan ang laki ngadto sa iyang kaistorya sa cellphone dili pa lang dugay kay nangangkon baya siya nga siya rang usa. Pakkk! May lang og pareha ni Josh (Geoff Eigenman) sa Legacy sa GMA-7 nga iya gyung giingnan si Natasha (Lovi Poe) nga kinahanglang tapuson na nila ang ilang kinawatkawat nga panagtagbo kay buot niya nga amumahon ang ilang relasyon ni Diana (Heart Evangelista). Mao nay lalaki nga naghunahuna sa unsay makaayo ug dili sa usa ka relasyon. Ang nakaparat sa ilang sitwasyon ni Josh kay sa episode kagabii, nasakpan man gyud sila ni Diana nga perting sinupsupay nila ni Natasha sa ilang isig ka ngabil. Pakkk!

Pero mao na, kinsa man gyuy tinuod nga relationship wrecker bi: ang third party o ang lalaki o babaye nga nahisalaag diha sa pagligid sa ilang relasyon? Pakkk!

* * *

yes kuya rye2x very interesting jud ang tanang movie story last Good Friday, nakahinumdom jud ko sa kasakit nga giagian sa ako mama before she died , toda max gyud ang hilak2 effect namo ngari sa boarding house...franz dalaguete cebu...0933643****

Good noon kuya rye. na touch jud ko sa imoha mga istorya kuya ay. aside from that, thankful jud ko ni God kay gihatagan ko niya og mapinanggaon nga ginikanan ug kaharuhay sa panglawas ug layo sa sakit. God is Good. God is Powerful...Mhar Yalyn of Carcar (bcGasStation Petron)...0905370****

Hi gud day okRYAN! Nakahilak jud ko gabasa sa u episode pagka April 12..kadto the meaning of love...kay sama nako, daghan au ko problema nga abi ko walanay kasulbaran. Pero I'm always praying lang gyud nga 1 day may muabot nga kasulbaran. Thanks...malou cagas, tuba dalaguete....0910327****

Reaksyon o opinion? Text me pinaagi sa: 09295886046. Kinahanglan nga dunay ngalan ug address ang mensahe, ug labaw sa tanan kabahin kini sa unsay gituki karong adlawa, dili pwede ug ayaw paghimo og laing topic. Plus, kung makig-text mi ra ka, ayaw na lang og text—wa koy panahon ana. Pakkk!

Magdungog gihapon ta pinaagi sa dyRC 648 Khz, 10 a.m. to 12n---Lunes hangtud Sabado. Bisitaha mi sa www.dyrc-cebu.com. Pangitaa ko sa Facebook: [email protected]