Gloria gisulong ang pictorial sa iyang anak

Manila Philippines -- Tsika nga may tension nga mitumaw sa pictorial ni Isabelle Daza sa Rouge magazine last Tuesday gumikan kay kalit nga mibutho si Gloria Diaz. Milugwa ang aktres sa studio didto sa Makati City diin gipahigayon ang pictorial gumikan kay may nabalitaan matud pa siya nga underwear ra ang gisul-ob sa iyang anak.

Gikasab-an matud pa sa aktres ang editor ug photographer sa magazine gumikan sa iyang nabalitaan. Dili matud pa angay nga iparehas ang iyang anak sa uban nga sexy nga milugwa sa maong magazine. Naghilom lamang matud pa si Isabelle, apan kahilakon.

Human nangasaba si Gloria, mibiya ra pud kini ug mibalik sa shooting sa The Mommy Returns nga showing sa May 9.

Marian labihan ka sexy

Dugay na namong na-interview si Marian Rivera, pero sa music video shoot sa Down to Mars sa carrier single nilang You Are My Everything, lang namo nasayran nga 34-24-36 ang vital stats sa aktres. Tataw kaayo ang ka-sexy niini sa costume nga mugna ni Julius Tarog.

Misugot si Marian nga mu-guest nga libre sa music video gumikan nila ni Geleen Eugenio, direk Treb Monteras nga maoy nagmugna sa hit song ug music video niyang Sabay-Sabay Tayo ug suporta na lang pud ni niya sa Down to Mars nga sama matud pa half-half sanglit walay pure Filipino sa members.

Sa May 27, ang TV launching sa album ug music video pud sa Party Pilipinas ug sigurado nga suportahan pud kini ni Marian. Sa May 22, ang release sa album under Poly East Records.

Maguol diay tuod ang Malaysian fans nila ni Marian ug Dingdong kay bisag giunsa og plansa sa ilang schedule, dili siya makauban sa iyang uyab paingon sa Malaysia end of this month para mag-promote sa Endless Love. Magsugod na siya og taping para sa Tweets for My Sweets ug nauwaw siya sa iyang co-stars nga magpaabot niya.

Samtang nagtaping na kagahapon para sa My Beloved sila si Marian ug Katrina Halili ug matud ni Marian, siya na ang mu-una og tagad ni Katrina. Nakasabot matud pa siya sa sitwasyon niini, hinungdan nga siya na lang maoy mutagad. Adtong Martes pa unta sila gitakdang mag-istorya, apan wala mahinayon gumikan sa music video shoot.

G Toengi apil sa serye ni Iza

Si G Toengi ang latest talent sa Viva Artist Agency human mipirma og kontrata last Tuesday. Si Veronique del Rosario-Corpus ug Vic del Rosario na ang mudumala sa iyang career ug ang balita, may soap na sa ABS-CBN si G.

Lakip matud pa siya sa cast sa soap nila ni Gabby Concepcion ug Iza Calzado nga hapit na sugdan. Sigurado pud nga hatagan siya og pelikula sa Viva Films.

AlKris banhawon

Malipay ang mga fans sa love team nila ni Aljur Abrenica ug Kris Bernal nga dugay ra nga nag-request sa GMA-7 nga subling parison ang duruha. Ang tsika, subli silang mag-uban sa usa ka teleserye nga may tentative title nga Sana Dalawa ang Puso Ko.

Nangita pa ang GMA-7 og aktres nga ilakip sa cast. May mi-suggest nga si Kylie Padilla na lang maoy kuhaon aron dili na maglisud pagpangita og talent ang network.

Sa second quarter pa kini nila himuon sanglit may Hiram na Puso pa si Kris ug si Aljur busy sa mga shows abroad.