Cristine gikiha ni Ara og Libel!

Manila, Philippines —- Daghan ang nakugang human miduso og reklamong Libel ug Grave Coercion batok sa iyang manghud nga si Cristine Reyes. Giduso ni Ara ang maong reklamo batok sa iyang igsuon didto sa Quezon City Hall of Justice.

Mihilak ang aktres nga mipasabot ngadto sa media nga kinahanglan niya kadtong buhaton aron maleksyon ang iyang manghud nga labihan na matud pa ang gibuhat niini ngadto kaniya.

May mga pruweba si Ara nga gidaot siya ni Cristine sa text ug bisan ngadto na sa ilang mga higala, diin bisan unsa na lang ang gi-text niini.

Nakugang ang Viva Artist Agency sa gihimo ni Ara sanglit managsama sila nga talents sa maong agency.

Rainier may ka-live in?

Mikatap ang balita nga buot na matud pa ni Rainier Castillo nga mubalik sa GMA 7. Napupos na ang kontrata ni Rainier sa TV 5, pero wala pay renewal ug gihunahuna matud pa niini nga mahimong Kapuso talent pag-usab. Samtang ang latest tsika mao nga problemado matud pa karon ang inahan ni Rainier gumikan kay nakig-live in na kini sa iyang uyab.

Ang iyang ex-girlfriend nga si Stef Prescot maoy nagbuking ni Rainier sanglit silingan diay niya ang babaye nga karelasyon karon sa young star. Sol Gorgonio/PSN

Xian misaad nga magtarong na!

Gipasalig ni Xian Lim nga tarungon na niya pag-ayo kung makadawat siya puhon og bag-ong hosting job. Kini maoy gipadayag sa aktor human siya nakadawat og daghang pagsaway kalabot sa iyang pag-host sa Binibining Pilipinas niadtong Domingo sa gabii. Nasayran nga naklaro nga nagbasa si Xian sa iyang mga spiels ug dunay mga higayon nga dili siya komportable samtang naa siya sa entablado. Nasayop usab siya sa paglitok sa pangalan sa pipila ka mga hurado. Gitataw hinuon ni Xian nga una kadto nga higayon nga mi-host siya og dakong event sama sa Bb. Pilipinas .