Grace Lee biglang 'nalaos'

SEEN: Pareho ng birthday sina Kris Aquino at Heart Evangelista. 

Pareho rin ang kapalaran ng kanilang mga pakikipagrelasyon na hindi nagtatagal.

SCENE: Matagal nang nag-umpisa ang summer sa Pilipinas ngunit kahapon lamang pormal na inilunsad ng ABS-CBN ang summer station ID ng Kapamilya Network.

SEEN: Pinoy na Pinoy ang magandang konsepto ng Pinoy Summer, Da Best Forever, ang summer station ID ng ABS-CBN. 

Si Sarah Geronimo ang kumanta at si Gerald Anderson ang nag-rap sa theme song ng summer station ID.

SCENE: Sina Ruffa Gutierrez at Paolo Bediones ang mga hosts ng Aliwan Festival na live na ipinalabas sa TV5 noong Sabado ng gabi. 

Ang coronation ng Reyna ng Aliwan Festival Queen ang highlight ng event.

SEEN: Makakapal ang makeup at nagmamantika ang mga mukha ng mga kandidata ng Reyna ng Aliwan Festival Queen. 

Hindi puwedeng i-deny na pinaglaruan sila ng kanilang mga makeup artists.

SCENE: Masaya si Fabio Ide dahil sa successful launch ng shoe line niya para sa Mario D’ Boro sa Robinsons Mall Pioneer noong Sabado.

Si Fabio ang designer ng mga sapatos na sold out lahat.

SEEN: Kinaiinisan si Francine Prieto dahil sa kanyang mga irresponsible statements.

Guilty ng racial slur si Francine dahil sa kanyang tweet na “Basta kalbo (nakakalbo, makakalbo) walang tino.”

SCENE: Ginunita kahapon sa iba’t ibang panig ng mundo ang ika-100 taon na anibersaryo ng paglubog ng barkong Titanic at fitting tribute sa naganap na trahedya ang muling pagpapalabas sa mga sinehan ng 3D version ng 1997 movie na Titanic.

SEEN: Lumipas na ang curiosity ng mga Pinoy sa over exposed na si Grace Lee. Back to anonymity ang rumored girlfriend ni P-Noy.