Sen. Bong kontra sa pagse-senador ni Lani!
PIK : Ipinagdiwang ni Rep. Lani Mercado ang kanyang 44th birthday kasama ang kanyang mga kababayan sa Bacoor, Cavite kamakalawa lang.
Nagkaroon ng misa sa St. Michael Parish Church sa Bacoor at sinundan ito ng pag-alay sa kanya ng mga regalo mula sa mga kababaihan ng Bacoor.
Isang kuwintas na jade na korteng puso ang iniregalo ni Sen. Bong Revilla, Jr. kay Lani. ’Yun lang naman ang hiningi ng actress-politician para pampasuwerte.
PAK : Doon sa kaarawan ni Lani, nai-announce na rin ni Sen. Bong na hindi totoong tatakbo si Lani bilang senador sa 2013 elections.
Marami ang nagkukumbinsi sa kanyang tumakbo itong senador pero ayaw ni Sen. Bong dahil hindi magandang magkasama pa silang mag-asawa sa Senado.
“Baka sa 2016 siguro pagkatapos ng term ko. Basta tatakbo for reelection si Lani bilang congresswoman ng Bacoor,” pahayag ni Sen. Bong.
BOOM : Excited si Kris Lawrence na itinwit na baby girl ang ipinagbubuntis ni Katrina Halili.
’Yun din naman ang gusto ni Katrina para magandang ayusan. Naramdaman din ng R&B singer na baby girl ang dinadala ng girlfriend niya dahil lalo itong gumaganda.
Hindi pa sure kung masusunod nga ang gusto ni Kris na Kristina ang ipapangalan sa kanilang magiging baby, bilang kumbinasyon ng kanilang pangalan.
- Latest
