"Dream High" karong Lunes na!

CEBU, Philippines - Ang Korean pop stars gikan sa nagkadaiyang singing groups ang nagtapok sa unang higayon aron mo-portray sa istorya sa unom ka young talents nga nagtinguha nga mabatyagan sa publiko ang ilang talento. Kini makita pinaagi sa Korean series nga   “Dream High” nga magsugod na karong Lunes, April 16 sa gabii.

Giingong usa kini sa malampuson nga Korean drama of 2011, ang “Dream High” gibituonan nila ni Suzy sa Miss A nga midala isip Kelly, Taecyeon ug Wooyoung sa 2 PM nga naghupot sa karakter ni Gino.

Nalakip usab sila si   Ham Eun Jung sa T-Ara ug ang sikat nga Korean star nga si Kim Soo.

Jessica nameligro apan giluwas sa mga hurado

Nameligro si Jessica Sanchez sa American Idol kagahapon human siya maoy nakakuha og gamay nga text votes apan giluwas siya sa mga hurado aron dili siya matagak.

Giingong daghan ang nasorpresa kagahapon human ang mga ilado nga contestants nga sila si Jessica, Joshua Ledet, Elise Testone nasulod sa Bottom 3 alang sa elimination round.

Gikanta ni Jessica ang "Nobody's Supposed to Be Here" nga orihinal nga giawit ni   Deborah Cox.

Suma pa ni Randy Jackson nga nakahukom siya ug ang uban nga mga hurado nga sila si Jenifer Lopez ug Steven Tyler nga gamiton "one-time power" aron luwason ang usa ka contender.

 "We are saving Jessica Sanchez without any doubt. Let me just say this. This girl is one of the best singers in America. Are you kidding me? Everybody please vote for the best! It's about finding the best!" suma pa ni Randy.

Samtang si Jessica mipadayag nga kung unsa man ang mahitabo sa pagsalmot niya sa maong show, gusto lang niya makahibalo ang katawhan nga naningkamot siya pag-ayo nga tarungon ang iyang performance.

Gumikan sa pagluwas sa mga hurado kang Jessica, mahimong duha na ang matagak sa elimination round sunod semana.