Marian matagal pinangarap sina Nova at Roderick
Busy na uli si Marian Rivera after ng Cambodia vacation nila ni Dingdong Dantes dahil balik-taping sila ng My Beloved. Excited na ito sa mga mangyayari sa next episodes ng soap na magsisimula sa week 9.
Magsisimula na rin siyang mag-taping ng Tweets for My Sweets sa April 24, pero mauuna ang pictorial nila ng buong cast at sa May 5, pilot airing na. Excited na raw si Marian na mag-taping dahil matagal niyang hinintay na magkaroon uli ng comedy show sa GMA 7.
Nagpapa-excite rin sa kanya to be working with Nova Villa and Roderick Paulate na matagal niyang pinangarap. Of course, natutuwa rin siyang makatrabaho si Chef Boy Logro at ang mga bagets na sina Elmo Magalona at Barbie Forteza.
Samantala, nabanggit ni Marian na tinanong muna niya ang boyfriend bago siya pumayag mag-cover sa Cosmo magazine.
Jessy at matteo magiging mapangahas na
Pagtatambalin ng ABS-CBN sina Matteo Guidicelli at Jessy Mendiola sa Isla episode ng Precious Hearts Romance Presents. Ipinangako sa BF ni Maja Salvador sa nakaraang birthday nito na magbibida siya sa PHRP at matutuloy na nga.
Mala-Blue Lagoon ang tema ng episode sa direction ni Connie Macatuno at bilang paghahanda ng cast na kinabibilangan nina Jewel Mische at Matt Evans, may acting workshop ang cast at may swimming lessons din siguro sina Jessy at Matteo.
Mapangahas at mature roles daw ang gagampanan nina Jessy at Matteo, kaya kailangan ang masusing paghahanda para sa pagsisimula ng taping sometime in May. Hindi nabanggit kung kailan ang airing ng Isla.
Broken Vow extended
Masaya nito ang mga taga-Broken Vow dahil balitang extended ang afternoon soap ng GMA 7 for another three weeks. Nagustuhan ng viewers ang tema ng soap at four angle ng love story nina Gabby Eigenmann, Luis Alandy, Rochelle Pangilinan at Bianca King.
Samantala, sume-segue si Gabby sa taping ng Broken Vow at Makapiling Kang Muli, kung saan, guest siya ng one week sa pilot week ng action-drama series na pinagbibidahan ni Richard Gutierrez.
Excited si Gabby dahil young Roman (na ginagampanan ng kanyang amang si Mark Gil) ang kanyang role. Kundi kami nagkakamali, first time siyang gaganap na batang Mark. Guest din sa pilot week si Jennylyn Mercado as Mara (the young Rio Locsin).
Child star na sakitin niligwak sa gagawin niyang show
Ang health condition ng isang child star ang isa sa sinasabing rason kung bakit hanggang ngayon, wala pa itong follow-up soap kahit hit at talagang sinubaybayan ang tinampukan nitong teleserye.
May gagawin na sanang soap ang bagets, pero kinansela dahil iniisip ng network ang kalagayan nito lalo’t mapapagod at mapupuyat na naman sa taping. Guesting stint na muna ang ibinibigay sa bata hangga’t hindi pa nasa tamang kondisyon ang pangangatawan dahil na-ospital ito ng ilang araw.
Ang masakit nito, bibigyan ng soap ang isa pang child star na kasama dapat ng may sakit na child star at iba na ang makakasama. Hopefully, hindi ma-disappoint ang unang child star na kundi magbabago ang desisyon ng network, ligwak na siya sa cast ng soap na dapat ay isa siya sa mga bida.
- Latest
