The Road naluwas na

Manila, Philippines --- Nadayon kagahapon (April 9) ang special screening sa The Road sa Brussels International Fantastic Film Festival 2012 human nahilot na ang ginagmay nga problema.

Giingong niadtong April 8   ang original schedule sa screening   niini apan dunay kalit-kalit nga technical problem hinungdan nga wala kini madayon.

Samtang nag-una na niini ang European premiere sa movie ug si direk Yam lang ang present sa Brussels, apan sa red carpet premiere sa movie sa LA Live Los Angeles, California karong May 9, kuyogan si Direk Yam sa producers, mga bitoon sa pelikula ug ang pipila ka mga kadagkoan sa GMA Films.

Paparazzi mag-reformat

Matud pa nga aduna na’y pasiunang panagsinultihanay ang mga kadagkoan sa TV5 ug sa showbiz talk show nga Paparazzi.

Suma pa nga kinahanglan nga usbon ang titulo niini ug magpuno usab sila og segment hosts.

Dili pa hinuon nila matino kung pila ang ilang magasto sa maong plano.