Asawa ni Alakim nagpusil sa kaugalingon patay

CEBU, Philippines - Gikatahong nagpusil sa iyang kaugalingon ang kapikas sa celebrity magician nga si Alan de Paz nga nailhan sa kadaghanan isip "Alakim”. 

Suma pa ni Alakim nga gipusil sa iyang asawa nga si Maricar ang dughan niini samtang nagsakay sila sa ilang sakyanan sa atubangan sa ilang balay sa Marikina sa miaging adlaw. 

Matud pa niini nga misuway siya og pugong sa gibuhat sa iyang asawa gani nakabaton pa siya og samad.

Gidala ni Alakim sa ospital si Maricar sa St. Luke's Medical Center apan nakabsan gyud kini sa iyang kinabuhi.

Giangkon ni Alakim nga dunay mga butang nga wala sila magkasinabtanay sa iyang asawa apan nagdumili siya pagbutyag kung unsa gyud ang rason sa ilang panag-away.

Bukas usab ang kapulisan sa pagsusi kung duna ba kini foul play o wala.

Narekober sa Marikina police sulod sa sakyanan sa magtiayon ang usa ka super .38 nga armas.

Posibleng kasong parricide ang atubangon ni Alakim gumikan kay dugay niya gi-report ang maong insidente.

Amalia mipahuway sa Twitter

Dili na ma-access ang Twitter account ni Amalia Fuentes gumikan kay temporaryo kini nga gi-activate. Wala una tubaga ni Amalia ang pagpadungog-dungog ni Annabelle Rama kaniya sa Twitter.

Kitchen Musical sunod buwan na

Sunod buwan na magsugod ang ikaduhang season sa Asian hit TV series nga “The Kitchen Musical”. Gipasigarbo kini sa mga Pinoy gumikan kay malakip gihapon niini sila si Karylle ug Christian Bautista.

Lloydie-Bea series himoon sa Europe

Sa Europe himoon ang pipila ka mga eksena sa umaabot nga teleserye nila ni Bea Alonzo ug John Lloyd Cruz. Suma pa ni Bea nga sa ikatulo o sa ikaupat nga quarter karong tuiga makita ang maong serye.

China trip dili madayon

Daghan pa og dokumento nga kuhaunon si Marian Rivera hinungdan nga dili madayon ang paglarga niya sa China karong semanaha kung diin makauban unta niya ang iyang uyab nga si Dingdong Dantes.

Tambag ni Slater

Mitambag ang “Pinoy Big Brother Unlimited" grand winner Slater Young ngadto sa mga housemates sa umaabot nga PBB Teen Edition Season 4 nga mag-ampo lang gyud permi kung gusto nila nga magdugay Balay ni Kuya.

Dong out, Coco in

 Si Coco Martin maoy gihulip kang Dingdong Dantes isip endorser sa usa ka telecommunication company. Ang aktor maoy makauban nila ni Cesar Montano ug Angelica Panganiban sa bag-ong TV ad sa maong kompanya.

Julie Anne mokanta sa Siete Palabras

Dili mobakasyon si Julie Anne San Jose gumikan kay mo-serve siya sa Santo Domingo Church kung diin mokanta siya ugma sa Siete Palabras. Panaad na gyud ni Julie Anne nga mo-serve sa simbahan matag Semana Santa.

Talk show ni Sharon gisugdan na

Gisugdan na ang taping sa pipila ka mga episode sa talk show ni Sharon Cuneta nga nag-ulohann og “Sharon”.

Special guests sa usa nila ka episode mao sila si Lolit Solis ug Cristy Fermin.

Todo ang kukabildo sa nahisgutan nga programa ug usa sa ilang gihisgutan ang kalabot sa sex. Suma pa ni Sharon nga grabe ka telented ni Sen. Kiko Pangilinan kung hisgutan na ang ilang intimate moments sa kama.

Annabelle vs. Amalia

Nagpadayon ang init nga away nila ni Annabelle Rama ug Amalia Fuentes sa Twitter.

Apan sa dihang gipangutana si Amalia sa mga reporters, mipadayag kini nga wala siya mag-tweet og bati nga mga pulong. 

Samtang gikahibulong ni Annabelle kung unsa ang gikalagotan ni Amalia kaniya sanglit wala siya nahinumdum nga nakasala siya niini.

Gitataw hinuon ni Annabelle nga dili niya kini lung-an sanglit kapila na siya kasugat og away ug wala gyud niya kini atrasi. (Sol Gorgonio/ PSN)

Engrandeng kasal maoy gusto ni Justin

Hilom ang gipahigayong engagement, apan usa ka engrande nga summer wedding ang giplano ni Justin Timberlake ug sa uyab niini nga si Jessica Biel.

Suma pa sa report nga ganahan si Jessica nga simple apan intimate nga wedding ceremony apan si Justin gyud ang nangusog nga kinahanglan nga hugyaw ang ilang kasal.

Nakahukom ang manag-uyab nga imbitaron ang tanan nila nga mga higala aron makauban nila kini sa espesyal nila nga adlaw.

Nasayran usab nga nangunay si Jessica sa pagplano sa tanang mga kinahanglanon sa ilang kasal.

Gipasalig ni Justin sa umaabot niya nga asawa nga mahimong "best day ever" ang pagpaso nila sa altar sa kaminyoon. (Gikan sa wires)

Andi andam mopasaylo sa amahan sa bata

Nagpanikad na si Andi Eigenmann sa iyang pagbalik showbiz sukad siya nanganak sa miaging upat ka buwan

Naghinam-hinam na ang aktres sa umaabot niya nga serye sa ABS-CBN kung diin iyang makauban si Jake Cuenca. Malakip usab sa maong proyekto sila si Gabby Concepcion ug Iza Calzado.

Ang anak niya nga si Ellie maoy iyang inspirasyon sa iyang trabaho.

Samtang gipadayag ni Andi nga wala’y nangayo og sorry kaniya hinungdan maglisod siya og tubag kung duna mangutana kaniya kung andam ba niya pasayloon ang amahan sa bata.

Hinuon andam siya mopasaylo niini basta personal kini nga mangayo og sorry kaniya. “Eh wala naman kasing nagso-sorry sa akin, sinong papatawarin ko? If they want to meet her and be part of her life, then I’m all for it.

“Siguro pag nag-sorry siya, papatawarin ko siya kasi para sa akin, ‘yung sa aming dalawa, I left that all in the past. I’ve moved on,”suma pa ni Andi.

Giangkon ni Andy nga dunay higayon nga nagkasugat sila sa kanhi niya uyab nga si Albie Casiño apan murag wala kini kaila kaniya.

Alaga ni Becky gidayeg

Nagmaya pag-ayo si Becky Aguila gumikan kay nagbaha ang positive remarks nga iyang nadawat kalabot sa acting sa iyang alaga nga si Mariel Pamintuan. Nabatyagan ang kahanas sa pag-arte ni Mariel sa gipahigayon nga special screening sa Kung Akoý IIwan mo.

Si Mariel maoy midala nga young Shaina Magdayao sa maong serye nga magsugod na karong April 16. (Vinia Vivar /PSN)

Robi mihatag og importansya sa edukasyon

Manila, Philippines -- Malipayon kaayo si Robi Domingo gumikan kay nahuman na gyud niya ang kursong Bachelor of Science in Health Sciences sa Ateneo de Manila University.

Naningkamot gyud ang aktor nga makahuman sa pagtungha bisan pa man sa ka-busy niya sa showbiz.

“It feels very, very surreal. When I went up the stage and got my diploma, it felt very fulfilling kasi napagsabay mo ‘yung parehong mundo. To get that feat done is such an incredible experience for me because I’ve grown so much because of being in the industry and in school at the same time,” suma pa ni Robi.

Giangkon niya nga dunay mga higayon nga nagkamang siya sa hagdan samtang nagpadulong siya sa iyang classroom kaniadto gumikan sa kaduka sanglit gikan siya sa trabaho niadtong higayona.

“I instilled in myself the concept that I would never stop my college years kasi once I stop, I’ll succumb into not learning anymore. I really wanted to achieve that goal,” dugang pa ni Robi.

Nakaangkon og loyalty award si Robi atol sa iyang graduation gumikan kay sa Ateneo usab siya nahuman sa elementary ug high school.

Billy ug Nikki nagkalig-on gumikan sa isyu

Luyo sa mga intriga, gipadayag ni Billy Crawford nga misamot na hinuon kalig-on ang upat ka tuig na nga relasyon nila ni Nikki Gil.

Aminado si Billy nga wala pa gyud mahunong ang isyu nga matud pa nga nagbuwag na sila ni Nikki.

 “Sunod-sunod nga eh, nag-break, nagkahiwalay, nag-live in. Ewan ko kung anu-ano ang sinasabi ng mga tao. I couldn’t be happier, the relationship couldn’t be stronger. We’re good,” nagkanayon si Billy.

Gikatakdang molupad na si Billy paingon sa Europe sa katapusang bahin karong buwana ug giangkon niya nga nahadlok siya gumikan kay iyang temporaryo nga mabiyaan ang iyang hinigugma.

“Of course there’s a fear of being away from someone you love, pero kakayanin mo eh. ‘Pag mahal mo ang isang tao you will do anything you can to make it work and you will give time for that relationship, no matter what happens,” suma pa ni Billy.

Dugang pa sa singer nga dili pa siya segurado kung hangtud kanus-a siya kutob mag-istar sa Europe. (Boy Abunda uban sa taho ni James Cantos)