Charice nanalong Favorite Asian Act sa Nickelodeon's 2012 Kids Choice!

Nagkakagulo ang mga fans ni Charice kahapon sa Twitter. Ang rason: Siya ang nanalong Favorite Asian Act sa ginanap na Nickelodeon’s 2012 Kids’ Choice Awards sa Los Angeles, California kahapon. 

Kasama sa mga nakalaban niya ang sumikat na Wonder Girls ng Korea, Yuna ng Malaysia, at Agnes Monica ng Indonesia.

Actually, landslide ang panalo ni Charice lalo na sa Twitter voting.

Gerald ayaw lagyan ng label ang relasyon nila ni Sarah

Ayaw lagyan ng label ni Gerald Anderson ang relasyon nila ngayon ni Sarah Geronimo.

Hindi na kailangang lagyan basta ang importante, masaya sila ng Pop Princess.

“Kung anong meron kami ngayon, hindi kami nagmamadali. Hindi namin pine-pressure ang isa’t isa,” sabi niya sa interview ng ABS-CBN.com.

At nang tanungin siya ng real score nila, ang sabi niya ay kung ano ang nakikita sa stage totoo ’yun.

“Mas bonded kami ngayon. Mas madalas ’yung communication naming dalawa. Mas nakilala ko po siya at gayundin din siguro siya. Ini-enjoy na po namin ’yung moment, ini-enjoy ko po ’yung friendship na ibinibigay niya sa akin. So yeah, hindi na kailangang lagyan ng label,” dagdag na paliwanag ng aktor.

 “Excited din po ako kung anong merong growth na puwedeng mangyari sa amin. Masaya po ako sa growth namin,” pahabol niya.

Ang tanong lang ng marami, seryoso kaya si Gerald kay Sarah? 

Major concert ng actress-singer, hindi na sa Araneta

Definitely, hindi na sa Smart Araneta Coliseum ang upcoming major concert ng isang singer-actress.

Ang rason, ayon sa source, ang endorsement nitong kalaban ng Smart, ang Globe.

Endorser si actress-TV host ng Globe at nakiusap ang nasabing telephone company na kung puwedeng sa ibang venue na lang sila mag-concert dahil nga may pangalan ng kalaban ang nasabing favorite concert venue ng singer-actress.

Bilang endorser, major sponsor ang nasabing telephone company ng major concert ng singer-actress ngayon.

Kaya lang hindi pa masyadong tapos ang isang malaking venue na target ng produ na maging bagong venue ng major concert ng singer-actress. So paano kaya ’yun?

Sa Smart Araneta Coliseum ginanap ang mga successful major concerts ng singer-actress-TV host.