Elmo gibuking ni Julie Ann

CEBU, Philippines - Nagdumili si Julie Ann San Jose pagkumpirma kun si Lauren Young ba ang tinuod nga uyab sa iyang ka-loveteam nga si Elmo Magalona, basta kay nasayud na matud pa ang ilang mga fans kinsay iyang gipasabot. “ Kasi, kahit hindi naman po sabihin, alam nila. Kasi yung tweet nito, yung tweet nitong isa, napagko-connect nila. Kahit hindi tina-tag, alam nila yung story.”

Kris ganahan gyud ni Jhake

Bukas si Kris Bernal nga makigpares kang Jhake Vargas sa usa ka project kay niya pa labihan na matud pa ang improvement sa nauwahi, diin dili lamang pag-arte, kundili mukanta pa gyud kini. Gawas pa, gwapo gyud matud pa si Jhake.

Graduate na si Jiro!

Mi-graduate na si Jiro Manio sa high school didto sa REPSCI (Rizal Experimental Station and Pilot School of Cottage Industries) kagahapon sa buntag. Humana pud ang iyang rehabilitation program busa nakapauli na siya sa ilang balay. Misaad si Jiro nga mupadayon og kolehiyo diin mukuha siya og culinary arts o di ba mag-pilot siya, aron ikapasigarbo matud pa siya sa iyang tulo na ka tuig nga anak. Dili na matud pa niya balikan ang gidiling drugas ug nanghinaot siya nga matagaan og laing chance sa showbiz.

Nagpictorial na si Chard

Gipahigayon na ang pictorial kagahapon sa umaabot nga primetime series sa GMA-7, ang Makapiling Kang Muli, sa Studio 7 sa GMA Network. Present sila si Richard Gutierrez, Sarah Lahbati ug Carla Abellana.

Buwag pero friends

Nagkuyog sila si Jay-R ug Krista Kleiner sa Urban Music Awards sa Wave 89.1 adtong Miyerkules sa gabii. Giangkon nilang duruha nga managsama na sila karon nga single, apan wala nila idetalye ang hinungdan sa ilang breakup.

Bahala uroy mo!

Deadma na si Xian Lim sa mga nagsige og panaway niya ilabi na sa iyang loveteam ni Kim Chiu. Suma pa niya, imbes iyang tagdun ang mga bashers, magpasalamat na lamang siya sa tanang mga grasya nga iyang nadawat, ilabi na sa maayong dagan sa iyang career. Si Xian ug Kim, lakip sa 20 ka mga artista sa Star Magic nga atua sa Hawaii alang sa ilang show didto karong adlawa.

Dili pang-showbiz ang friendship

Gipaneguro ni Erich Gonzales nga suod gihapon sila ni Enchong Dee bisan og dili na sila magka-loveteam. Pasabot niya nga ang ilang panaghigala ni Enchong, dili pang-showbiz lang. Si Enchong ug Jessy Mendiola maoy magpares sa umaabot nga pelikula sa Star Cinema, “Reunion.” Samtang si Erich muhimo og movie kauban ang Thai heartthrob nga si Mario Maurer.

Coco ang target ni Edgar

Andam na nga magpa-sexy si Edgar Allan Guzman sama sa gibuhat sa kanhi Prince of Indie nga si Coco Martin sa pelikulang Serbis, karon nga nagbuwag na sila og pinuy-anan sa kanhi niya live-in partner nga si Jolan sa Sexbomb kaniadto. Si Edgar ug Martin Escudero maoy nagtabla isip Best Actor atol sa Golden Screen Awards niining bag-o lang.

JM sigeg absent kay busy?

Nanghinaot si JM de Guzman nga dili tinuod nga nasuko ang iyang mga kauban sa all-male group BoysRBOYS sa ASAP 2012 gumikan kay siya matud pa ang hinungdan nganong dili sila kumpleto kada Domingo. Kauban ni JM sa maong grupo sila si Bryan Termulo, Marrki Stroem ug Alex Castro. Gumikan matud pa sa ka-busy sa schedule ni JM, kanunay siya nga wala sa ilang production number sa nahisgutang ABS-CBN variety show.

Dili gustong patyon

Nanghinaot si Allesandra de Rossi nga dili mamatay ang iyang character sa ending sa iyang teleseryeng “Legacy” sa GMA-7. Rason ni Alex nga sa iyang mga kontrabida roles, kanunay na lamang matud pa nga mamatay, mapriso o di man gani madala sa mental hospital ang iyang character sa pagtapos niini. Nanghinaot siya nga lahi og ending ang iyang character sa Legacy sanglit mahimo man matud pa nga magbag-o og kinabuhi ang kontrabida.

Sharon follower na ni Jules Knight

Twitter follower na ni Jules Knight si Sharon Cuneta. Si Jules ang member sa Blake (classical vocal quarter) nga rumored suitor ni KC Concepcion.

Blake bag-ong Bench endorsers

Misaad si Jules Knight nga mubalik dayon sa Pilipinas gumikan kay nahibilin iyang kasingkasing dinhi. Mga endorser na sa Bench ang Blake.

Bag-ong talent head

Karon maoy katapusang adlaw ni Audie Gemora isip head sa Talent 5, ang talent center sa TV5. Ang direktor na nga si Mac Alejandre ang bag-ong head sa talent center sa TV5.

Weekly ra ang Game ‘N Go

Plano na karon sa TV5 management nga himuong weekly show ang Game 'N Go nga unang giplano isip daily noontime show sa Kapatid network.

Paolo kusog muhagok

Kusog muhagok si Paolo Bediones gumikan sa iyang sleep apnea, usa ka matang sa sleep disorder. Migamit si Paolo og machine para sa sleep apnea sa taping niya sa Extreme Home Makeover Edition Philippines aron normal ang iyang pagginhawa.

Marian nagpa-sexy sa Cosmo

Si Marian Rivera ang cover girl sa April 2012 issue sa Cosmopolitan Magazine. Sexy kaayo si Marian sa iyang gisul-ob nga one-piece white swimsuit.

Jose ug Wally dungan  nga milarga

Dungan nga milupad sila si Wally Bayola ug Jose Manalo adtong Miyerkules, paingon sa San Francisco, California para sa show sa Eat Bulaga. Sa wala pa sila mibyahe, gipadayag ni Jose ang kagustuhan niya nga mahusay na sila sa iyang estranged wife nga si Annalyn, bisan pa man sa mga gipanulti sa nauwahi sa mga TV interview. Dili ko sure kung nag-post si Jose og bond aron makagawas siya sa nasud gumikan kay mao na ang kanunay nga mahitabo sa higayon nga may show abroad ang Eat Bulaga. Nadamay si Jose sa mga problema sa iyang asawa nga may hold -departure order sukad pa adtong March 2011. Si Judge Jose Paneda sa Quezon City Regional Trial court ang miluwat og HDO batok kang Annalyn gumikan sa mga kaso niini nga may kalambigitan sa datung.