Dennis nagpapasalamat sa Biritera!

MANILA, Philippines - Magsisiguro sina Jo at Jerome tungkol sa pagiging magkapatid nina Roseanne at Andrei – kukunan nila nang DNA sample si Andrei lingid sa kaalaman niya at ipapa-test ito kasama ang DNA ni Roseanne. Maghihintay ang dalawa sa resulta pero parang alam na nila ang kalalabasan nito.  

Makakapag-usap na sana sina Andrei at Mikmik pero mapuputol ito dahil sa tawag ni D. Agad na ibabalita ni D kay Andrei ang tungkol kay ‘Sally’ na namba-blackmail sa kanila dahil sa nalalaman nito tungkol kay Abigail.      

Magpa-plano agad si D para mahuli ang nagtatangkang pagkaperahan siya. Muntik pa niyang mahuli na si Egay nga ang may kagagawan nito pero makakalusot pa rin si Egay. 

Papayag na si Remy na pakasal kay Eric. Gusto nilang gawing witness sina Andrei at Mikmik at syempre, si Roseanne na din. Hindi pa alam ng dalawa kung paano makakadalo ng kasal nila si Roseanne, pero mangangako si Andrei na tutulungan niya ang mga ikakasal. 

Malalaman ni Roseanne ang tungkol sa kasal mula sa mga kaibigan niya. Lalong sasama ang loob niya kay Remy, pakiramdam niya, kinalimutan na siya nito. Tuloy ang pambe-brainwash sa kanya ni Jo. Itatapon tuloy ni Roseanne ang picture ni Remy sa labas ng sasakyan pero magbabago ang isip niya at susubukan niyang kunin itong muli mula sa kalsada kahit na may mga paparating na sasakyan! Masasagasaan ba si Roseanne habang nililigtas ang litrato ni Remy?

Samantala, maililigtas ni Jerome si Roseanne, makukunan ni Lito (private investigator) ang nangyari.    

Nagmamanman si Lito kina Jo at Jerome para kay Eric pero wala pa rin siyang makuhang ebidensya na sinasaktan ng dalawa ang bata. Hindi niya alam, dahil sa nangyaring muntik masagasaan si Roseanne, pinagmamalupitan siya lalo nila Jo at Jerome. Sa huli, kukutuban si Jerome na parang sinusundan sila ni Lito at minamanmanan nga sila nito.

Lalong iigting ang kagustuhan ni Roseanne na umalis na lang sa showbiz. Magtatangka siyang layasan sina Jo at hihingi siya ng tulong kay Andrei pero mahuhuli sila ni Jo. Palihim na makikipagtulungan si Andrei kay Darling para kay Roseanne. Balak niyang dalhin si Roseanne sa kasalan nila Remy at Eric. 

Hindi makuhang maging masaya ni Remy kahit nalalapit na ang araw ng kasal niya. Si Roseanne pa rin ang iniisip niya. Makakatunog naman sina Jo at Jerome na parang may balak sina Remy at Eric kaya magpapakasal ang dalawa. 

 Abangan pa ang mas umiinit na mga tagpo sa Biritera na pinagbibidahan nina Dennis Trillo at Rose Ann Magan.

Very thankful si Dennis dahil maganda ang feedback ng kanilang palabas.