Lovi mibalibad ni Ronald

Manila, Philippines — Wala ko mituo sa mga tsismis nga nagkabalik na sila si kanhi Congressman Ronald Singson ug Lovi Poe sanglit lahi ang balita nga nakaabot nako.

Ganahan matud pa si Ronald nga mag-reconcile sila ni Lovi pero mibalibad ang nauwahi ug katuohan kini gumikan kay consistent siya sa pag-ingon nga naka-focus ang atensyon niya sa iyang career.

Affected matud pa si Ronald pero gitahod niini ang desisyon ni Lovi kinsa daghan og na-realize sukad nga mibongga ang iyang showbiz career.

Victory party sa GMA-7

Daw victory party ang nahitabo kagabii sa Studio 6 sa GMA 7 gumikan sa kalampusan sa ratings sa afternoon block sa mga programa sa Kapuso network.

Mitambong sa presscon ang mga lead star sa Hiram Na Puso, Broken Vow ug The Good Daughter nga labihan ang kalipay sanglit bonggang-bongga ang ratings sa ilang mga afternoon show.

Nagpatawag og presscon ang GMA 7 para i-share ngadto sa tanan ang nationwide ratings dominance sa mga afternoon program nga gikahimut-ang tan-awon sa mga televiewers.

Fans ni Anja nagsadya

Nalipay ang fans ni Anja Aguilar dihang nasayran nila nga may album na ang ilang idolo nga singer-actress.

Nadoble ang ilang happiness gumikan kay available na sa mga music store ang self-titled album ni Anja nga nahimong leading lady ni Piolo Pascual sa usa ka episode sa Maalaala Mo Kaya kaniadto… Lolit Solis/PSN(BANAT NEWS)  

Bianca mutungha sa Amerika

Manila, Philippines—Plano karon ni Bianca King nga mulupad una paingon sa Amerika aron mukuha og crash course sa Cinematography human sa iyang soap sa GMA-7, “Broken Vow.”

Mitapos si Bianca og Digital Film Making sa St. Benilde’s La Salle ug plano niya nga mabansay gyud sa paggama og pelikula hinungdan nga buot niya mag-crash course kabahin sa cinematography.

Kung wala pa siyay follow-up project sa GMA-7, ang paglupad paingon sa Amerika alang sa iyang plano, maoy sunod nga buhaton ni Bianca.

Alessandra dili ganahan manghadlok

Nasayud ba kamo nga dili na muhimo si Alessandra de Rossi og horror nga pelikula bisan sa TV man lang?

Okay na matud pa ni Alex nga magdrama o mag-comedy para sa iyang mga supporters. 

Dili matud pa niya buot nga hadlukon ang mga mutan-aw sa iyang mga salida, hinunua buot niya nga malingaw sila.

Hinungdan nga nahimuot siya karon sa iyang teleserye nga “Legacy” sa GMA-7, ilabi na nga puros positibo ang reaksyon nga iyang nadawat. Dili na matud pa kinahanglang manghadlok pa siya. (BANAT NEWS)