Nora ug Eugene movie napanlantawan

Manila, Philippines — Game na game si Nora Aunor atol sa miaging Golden Screen Awards sa Entertainment Press o EnPress, diin siya ang nakadawat sa Lino Brocka Lifetime Achievement Award. Mi-istar og dugay ang superstar, misugot nga mahimong presenter kauban si John “Sweet” Lapus ug ang tsika pa, nagsayaw-sayaw pa kini sa backstage samtang naghuwat.

Ang balita pa, si Noel Ferrer ang gikuha sa TV5 nga mamahimong manager ni Guy. Nakit-an namong nag-istorya sila si Noel ug Boy Palma, busa walay isyu kabahin niining maong kalambuan.

Nadunggan pud namo gikan sa panag-istorya sa duruha nga drama serye ang gustong himuon ni Nora sa network.

Hinaot pud unta nga matinuod ang giingon ni direk Chris Martinez sa awards night nga napanlantawan niya sila si Nora ug Eugene Domingo doing a move together. Nagkauban na sila sa mini-serye sa TV5, nindot kun sa pelikula pud!

Yeng type si Enchong

May cameo si Yeng Constantino sa pelikulang Anino  nga maoy graduation project sa mga nag-workshop sa Star Magic. Sa script ni Gina Marissa Tagasa ug direction ni Rahyan Carlos, misugot nga mag-cameo ang singer ug sa reaction sa iyang mga fans nga mitan-aw sa red carpet premiere, gusto nilang muarte pud si Yeng.

Nalipay ang singer dihang nasayud nga nakapasa siya sa standard ni direk Rahyan ug nakita niini ang iyang kagustuhan nga makat-on. May cameo pud siya sa sequel sa Kimmy Dora ug kung may nindot pa nga movie offer nga muabot , dawaton niya.

Rom-com ang gusto ni Yeng kung mag-full blast siya sa acting ug si Enchong Dee ang gusto niyang leading man kay makalingaw matud pa. Idol niini si Sarah Geronimo sa hisgutanan sa love life gumikan kay buot pud niya nga ang first BF na ang iyang mabana.

ABS-CBN mutabang sa Moron 5

Tsika ni Martin Escudero nga mag-promote ang cast sa Moron 5 and the Crying Lady  sa mga shows sa ABS-CBN. So, bisan og wala mahinayon ang co-production deal sa Viva Films ug Star Cinema, mutabang gihapon ang ABS-CBN sa promo gumikan sa ilang mga talents nga sila Luis Manzano, Billy Crawford, John Lapus ug direk Wenn Deramas.

Nananghid si Martin sa TV5 ug gitugtan siya sa estasyon nga mulugwa sa ABS-CBN. Wala pa lamang siya masayud kun sa unsa nga mga shows sila mag-promote, pero hapit na kini mahitabo sanglit April 7, na ang showing sa movie.

Direk Wenn mubiya sa ABS-CBN

Sakto ba ang among nasagap nga may six-picture contract pa si direk Wenn  sa Star Cinema? Puwede pa gihapon siyang muhimo og movie sa maong movie outfit bisan og wala na siya sa ABS-CBN, kini kun tinuod nga mubalhin siya og network after his contract expires in July.

Pero tsika niini, mag-istorya pa sila sa management ug himuon pa niya ang Kapag Puso’y Sinugatan  nila ni Gabby Concepcion ug Iza Calzado. Namahayag pud kini nga “I will not burn bridges” kun ugaling mubalhin siya og network.

Rocco maghukas, ipakita ang sampot

Makuryuso gyud ang mga fans ni Rocco Nacino sa nahisgutan niini nga revealing ang costume niya sa Lam-Ang, topless siya ug posible pang makita ang iyang sampot sa iyang fight scene.

Hinungdan nga todo ang pagpangandam ni Rocco nga panindoton ang iyang lawas aron dili siya sawayon. May arnis training pud sila ni Rochelle Pangilinan ug pagkakaron, wala pa siya masayud kun may love scene sila sa dalaga.

Malipayon si Rocco sa good reviews nga nadawat niya sa The Good Daughter isip si Darwin. Enjoy siya sa taping gumikan kay intense ang drama nila sa mga eksena, off-cam, malipayon nga katrabaho ang tibuok cast. Naglisud siya sa transformation sa karakter niya gikan sa pagka salbahe nga nabut-an….Nitz Miralles/ PSN (BANAT NEWS)