Bilang pareho silang nababalitang kakandidato Aga at Joseph Estrada magsasama sa isang comedy show!

Isang sitcom pala ang susunod na gagawin ni Aga Muhlach. At alam n’yo ba kung sino raw ang kasama? Si dating pangulong Joseph Estrada.

Bukod pa ito sa kasalukuyang show ni Aga na Pinoy Explorer na napapanood every Sunday sa TV5.

Teka, mag-swak kaya sina Aga at dating pangulong Joseph Estrada na maugong na tatakbong ma-yor ng Maynila?

O magkatulungan kaya sila bilang balitang pareho naman silang kakandidato sa gaganaping eleksiyon sa susunod na taon.

Si Aga bilang congressman daw (daw ha) ng isang lugar sa CamSur, ang San Jose, kung saan sakop ang Caramoan, ang lugar kung saan madalas pagsyutingan ng Survivor (ng ibang bansa) dahil sa ganda. Actually, ma-develop lang daw ang lugar, tatalbugan nito ang dinarayong Boracay.

Kelan naman kaya eere ang sitcom na ito pag nagkataon?

Anyway, alam na kaya ito ni Aga?

Speaking of Aga, siya na ang pinaka-controversial ngayon dahil sa isyu sa kanyang manager. Pero nag-deny si Mr. Vic del Rosario sa issue. Hindi raw siya ang manager, meron lang daw ibang business transactions na ni-negotiate niya.  

Kampo ni P-noy may offer na mag-senador sa isang aktor

Naka-reserve pala sa isang aktor ang isang slot sa senatorial slate na binubuo ng administration para sa darating na election.

Nakatanggap na ng formal offer ang actor pero hindi pa raw nagsi-sink in sa utak nito at naguguluhan pa siya kung papasok nga sa pulitika.

Oo nga naman, bakit ka magko-congressman kung puwede ka namang maging senador si aktor?

Sakaling kakandidato ang aktor na ito, hindi na siya mahihirapan. Marami na siyang naipon dahil naturuan na siya ng manager niyang humawak ng pera kaya marami na siyang naipon. Kaya siguradong hindi siya mangungurakot. Magaling magturo ang manager niya pagdating sa usapin ng pera na natutunan naman niya.

Malapit na kasi ang 2013 kaya marami nang naglalabasang mga pangalan kung sinu-sino ang puwedeng kumandidato at makakalusot sa local and national positions. 

Wait natin kung sinu-sino sila.

Broadcaster ‘nababaliw’ sa aktor!

Bading daw ang isang newscaster na pamilyado. At ang kinababaliwan daw nito, isang aktor na sumisikat na.

Aba nung minsan daw na mag-show ang actor sa ibang bansa, alam n’yo ba raw ang ginawa ng pamilyadong broadcaster, sinundan-sundan nito ang aktor.

Aware raw ang aktor sa ‘admiration’ ni broadcaster sa kanya.

At hindi raw nag-iisip ng masama ang aktor sa ipinakikitang paghanga sa kanya ni broadcaster.

Ang tanong, kasama kaya ni broadcaster ang kanyang pamilya sa kanyang pag-i-stalk sa aktor na malapit nang magka-girlfriend?