Derek pinakikialaman ng ama sa career

Matunog pa rin ang balitang paglipat daw ni Derek Ramsay ng TV network dahil mayroon siyang offer na natanggap. Nag-expire na rin ang kontrata ng aktor sa Kapamilya Network noong February kaya talagang pinag-uusapan na ang kanyang paglipat.

“I’m not going to rush this because it’s a big decision. Nakita na namin ’yung offer. I think they’re exchanging e-mails now. I think my dad just sent an e-mail to Sir Gabby (Lopez). I really don’t know, may little details, sila ang nag-aayos eh. So I’m just waiting for their phone call,” pagtatapat ni Derek.

Si Joji Dingcong ang talent manager ni Derek pero aminado ang binata na humihingi pa rin siya ng payo mula sa mga magulang pagdating sa gagawin niyang hakbang para sa kanyang career.

“They’re always involved with everything I do. It’s not the first time na na-involve sila. At the end of the year, I always talk to them over the family holiday and one of the topics we talked about is where my career is going to go. And it just so happened that my contract with ABS-CBN has expired this year. So we spoke about it over the holidays,” kuwento ni Derek.

Gusto sana ng ama ng hunk actor na gawin ni Derek sa kanyang mga susunod na proyekto ang kanyang mga hilig sa totoong buhay gaya ng sports. “My dad was vocal in the meeting with Sir Gabby that he would like to see me doing things that are from my background like sports and stuff like that. ABS-CBN is supportive of the sport that I do. He mentioned that in the meeting, but it’s not about projects like Corazon (Ang Unang Aswang). They wouldn’t know what to say about that,” dagdag pa ng aktor.

Hindi naman nagde-demand si Derek sa Kapamilya Network ng dagdag na talent fee o kung anong role ang kanyang gustong gawin. Tatanggapin naman niya kung ano ang ipagkaloob sa kanya ng istasyon.

Iza magte-teleserye na

Bukod sa isang teleserye ay isang pelikula rin ang nakatakdang gawin ni Iza Calzado sa ABS-CBN.

“Until now I’m only allowed to say about the teleserye is that it’s under the direction of Direk Wenn Deramas pero magsisimula na kami sa April mag-taping at abangan n’yo ’yan at siyempre bukod sa soap opera, meron din akong Biggest Loser mid-year. I have ASAP twice a month and of course MMK (Maalaala Mo Kaya). Nakakaisa pa lang ako, may tatlo pa ako,” paalala ni Iza.

Nakapirma na rin ng three-picture contract sa Star Cinema ang aktres. “Ang kauna-unahang pe­likula na gagawin ko ay ’yung pelikula nina John Lloyd Cruz at Sarah Geronimo, at ngayon ay makakasama na nila ako sa ikatlong installment of the series. I’ll have two other films which of course pag-uusapan pa at titingnan kung ano ’yung type ng pelikula, kung sino ’yung makakasama, anong istorya. Hopefully at least one of them will be drama, heavy drama,” paglalahad ng dalaga.

Bukod kay John Lloyd ay gusto rin ni Iza na muling makasama si Piolo Pascual sa isang pelikula. Nagkasama na ang dalawa sa Milan noong 2004. — Reports from James C. Cantos