Gitambagan si Mega

Manila, Philippines --- May mga mitambag kang Sharon Cuneta aron mahunong na kini sa pag-tweet gumikan kay daghan na kaayo siya og mga nakaaway sanglit iyang gi-ashan ang mga nangaway niya.

Si Judy Ann Santos na mismo ang nanalipod kang Sharon gumikan kay nakasabot ang nahauna sa gibati sa nauwahi nga hasta ang anak niini naduhig na. Lakip si KC Concepcion gidaot na og maayo hinungdan nga labihan nga nakadepensa ang megastar. Pero daghan pud ang nabalaka ug mitambag kang Sharon nga mas maayo nga dili na lamang niya ashan ang mga nangaway niya sanglit siya ra maoy madaot ug mas malipay na hinuon niini og samot ang iyang mga bashers ug haters.

Jiro makagawas na sa rehab center

Nabaniog kaniadto nga gisulod sa rehabilitation center ang kanhi child actor nga si Jiro Manio.

Ang good news, gikatakda na kini nga makagawas ug mu-graduate na pud sa high school.

Mi-eskuyla diay si Jiro sulod mismo sa center ug okay na siya, hinungdan nga sunod semana na ang iyang graduation.

Excited si direk Maryo J. delos Reyes nga manager ni Jiro sa nagkaduol na nga paggawas niini ug malaumon siya nga mag-usab na gyud ang aktor.

Makalibog si Robin

Gihisgutan pa hangtud karon ang pag-angkon ni Robin Padilla nga dili pa sila in good terms ni Rustom Padilla sukad gipili niini ang mamahimong BB Gandanghari pero si Robin ang nakahunahuna nga kinahanglang una ang TV interview ni BB sa iyang asawa nga si Mariel Rodriguez ug nahitabo adtong Sabado sa Paparazzi.