Rayver ug Cristine buwag na?

CEBU, Philippines - "Ok naman po kami ni Rayver. Same pa rin. Wala naman pong issue na dapat pag-usapan... Haay kayo talaga hmp! J".

 Mao kana ang tubag ni Cristine Reyes ngadto sa Philippine Entertainment Portal kagahapon sa hapon kabahin sa migawas nga balita sa maong website kagahapon sa buntag nga nagbuwag na sila ni Rayver Cruz.

Suma pa sa tinubdan sa PEP, ang managlahi nila nga personalidad maoy rason sa pagkapukan sa kapin usa ka tuig na nga relasyon sa duruha.

Kahinumduman nga labihan ka kontrobersyal ang sinugdanan sa maong relasyon, gani may akusasyon pa nga gidungan ni Rayver si Cristine ug Sarah Geronimo isip mga uyab.

Giaway pa gani ni Cristine si Sarah pinaagi sa Twitter adtong December 2010 gumikan sa komedya matud pa sa pop star princess atol sa usa ka ASAP rehearsal nga dugukon gyud og sexy nga mga babaye ang mga lalaking maayo musayaw.

Samtang lakip pud sa gibalita sa PEP nga nagbuwag mao sila si Jay-R ug Krista Kleiner. Wala pay pamahayag ang mga nahisgutan kabahin niining maong balita.