"Grace Lee Touch"

CEBU, Philippines - Suma pa nga “recovering” pa ang dating ni Grace Lee sa iyang pag-resign sa radio show nga Good Times. Hinuon naghinam-hinam na siya sa iyang upcoming radio show nga "Grace Lee Touch."

Venus Raj may uyab na

Giangkon ni 2010 Miss Universe fourth runner-up Maria Venus Raj nga may someone special na siya karon, apan wa lang una kini idetalye ang buot niyang paambitan sa publiko.Basta kay dunay “nagpapakilig” kaniya karon.

Buwag gud tawon!

Gihimakak ni Nikki Gil ang balita nga migawas sa milabay nga semana nga matud pa nagbuwag na sila ni Billy Crawford. Matud ni Nikki: We’re okay. Hindi po kami magkahiwalay. We’re very happy.”

Sigeha’g pasabong

Normal na alang kang Erik Santos nga gisigihan siya og kumpara ngadto nila ni Christian Bautista ug Jed Madela. Sa showbiz matud pa ni Erik, kanunay gayud matud pa nga sabungon---sila sila ra gayud permi.

Unya gibayran mo?

Reaksyon ni Governor Vilma Santos ngadto sa mga mihulagway sa iyang tingog nga susama sa kang Anne Curtis nga yabag: "Kahit ganito ang boses namin, e, bayad kami!"

Rustom gihapon

Gusto ni Robin Padilla nga tawgon niya og Rustom ang igsuon niya nga si BB Gandanghari gumikan kay mao kini tinoud nga pangalan niini. Suma pa niya nga wala pa niya mahinabi sa personal si BB apan naningkamot ang iyang asawa nga si Mariel Rodriguez nga magkaistorya sila sa iyang igsuon. Nakugang gihapon si Robin hangtud karon sa nahitabo sa iyang igsuon.

Makigpares sa ‘rayna”

Pangandoy gayud ni Mike Tan nga mapares kang Marian Rivera sa umaabot niya nga proyekto. Matud ni Mike nga kasamtangang makita sa primetime series “Legacy,” dili makumpleto ang iyang pagka Kapuso kun dili siya mapares kang Marian nga mao gyuy rayna karon sa GMA-7.

Tippy utokan

Salutatorian sa graduating batch karong tuiga sa Reedley International School si Tippy Dos Santos. Si Tippy maoy leading lady ni Sam Concepcion sa upcoming musical movie nga Idobidoo ug sa stage musical nga Peter Pan. 

Best in deny

Gihimakak ni Melissa Ricks ang mga hungihong nga matud pa iyaha na nga gisugot si Paul Jake Castillo. Tsika hinuon sa aktres nga si Paul Jake maoy nakahatag og pahiyom kaniya ug usa kini sa iyang inspirasyon. (Sanden J. Anadia)

Sharon nagpadungogdungog, mukanta og Di Ako Bakla

Manila, Philippines --- Nag-emote na pud si Sharon Cuneta sa iyang Twitter account gumikan kay iya na pud nga gitubayan ang iyang mga bashers.

 Kini kay hasta ang iyang anak nga si KC Concepcion lakip na sa gitirahan niining maong mga bashers hinungdan nga wala na siya makapugong.

 Nasayran pa niya nga mga pabor kang Piolo Pascual ang nagsige og pangaway niya sa Twitter hinungdan nga naglitaniya siya og maayo.

May labtik pa si Sharon kabahin sa tinuod nga lalaki.

Makapa intriga ang pipila ka tweet ni Sharon sama sa iyang giingon nga ganahan siya mukanta og Di Ako Bakla kaklaklakla.

Lain pang makahugyaw nga tweet niya nagkanayon: “I respect BB Gandanghari because totoo syang tao.”

Naa pay: “My friends are gay & decent too. And DI NANLILINLANG.”

Ang uban niyang tweets iya nang gipapas.

Kahinumduman nga uyab sila si KC ug Piolo kaniadto ug sa ilang panagbuwag, mikumpisal ang nahauna nga dili siya maoy makahatag og katumanan sa gipangita sa aktor.

Katrina dili gusto og kasal

Nagpakahilom hangtud karon si Kris Lawrence kabahin sa gikatahong pagsabak ni Katrina Halili.

Gikatakdang tubagon ni Katrina ang maong isyu karong Sabado pinaagi sa Startalk.

 Ang migawas nga taho mao nga andam si Kris nga barugan ang pagsabak ni Katrina, apan ang nauwahi giingong walay plano magpakasal, buot lamang niini nga makabaton og anak.

Si Philippine Star entertainment editor ug co-host sa Startalk Ricky Lo ang may exclusive interview kang Katrina karong Sabado.

Aljur ug Rhian may drama series?

Balik normal na matud pa ang dagan sa trabaho ni Rhian Ramos human niya’g himo sa My Kontrabida Girl.

Gipangandaman karon niya ang iyang umaabot nga drama series sa GMA 7. Nagdumili siya pagtug-an kinsay iyang pares, apan may pagduda nga si Aljur Abrenica kini.

Sanglit may umaabot siyang drama series, mas maayo matud pa nga sa iyang trabaho lamang una niya ipunting ang iyang atensyon inay sa lovelife. Bisan dating wala matud pa siya pagkakaron. Sol Gorgonio/PSN (BANAT NEWS)