Enzo ug Louise magtuig na?

CEBU, Philippines - Nakuyapan na pud si Louise delos Reyes samtang didto siya sa studio sa Party Pilipinas adtong Domingo. Hinungdan nga wala siya makaapil sa production number nila. Daan na matud pa nga mireklamo si Louise nga nalipong siya apan siya pa maoy nag-drive paingon sa GMA-7 sanglit wala siyay driver adtong higayona.

Ang alegre kay ang iyang ka-love team sa My Beloved nga si Alden Richards gihapon maoy nakasawo sa dalagita. Kahinumduman nga adtong unang nakuyapan si Louise si Alden pud ang diha sa iyang kiliran ug misapupo niya.

Naulian ra hinuon si Louise human sa pipila ka minutos. Siguradong natarantar si Enzo Pineda sa nahitabo ni Louise. Yuna, kanus-a kaha angkunon sa duruha ang ilang relasyon nga magsaulog na man sila sa ilang first anniversary karong May 16?

John tabangag lima ka lalaki

Supak si John “Sweet”Lapus sa pasiatab nga siya maoy title role sa Moron 5 and The Crying Lady gumikan kay unom matud pa sila kabuok bida ug managsama nga anaa sa title tole.

Pero nahimuot si John sa komedya nga lima ka buok iyang leading men sa nahisgutang pelikula ubos sa Viva Films ug isalida karong April 7.

Unang pelikula kini ni Sweet sa iyang two-year non-exclusive contract sa Viva Films ug karon pa lang giingnan na siya nga bida gihapon siya sa iyang second movie. “Hindi ako nagmamadali for my next movie, basta masaya ako rito sa Moron 5 and The Crying Lady and it is an honor to be working with the boys and direk Wenn Deramas. Off-cam friends talaga kami,” ni Sweet pa.

Unang pelikula pud kini nga babae ang iyang role isip Becky Pamintuan, pero may mabutyag matud pa sa pelikula kun unsa gyud siya ug kinahanglan tan-awon aron masabtan.

Sila si Ruffa Gutierrez, Ara Mina, Ehra Madrigal, Francine Prieto ug Aiko Melendez ang gibasehan ni Sweet sa iyang karakter.

JoshBie buwagon na?

Ma-busy si Barbie Forteza kung tukma ang balita nga nasagap niining tagsuwat nga duha ka mga bag-ong projects ang iyang himuon. Dili pa lang klaro kun duha ba gyud o managsama ra kini nga iyang masalmutan sa GMA-7. Ang balita, may pang-primetime ug may weekly show siya, ug kauban matud pa niya si Marian Rivera, busa posibling usa ra ni ka proyekto. Pero kung soap ug usa ka comedy, pwes managlahi nga projects kini busa labihan ka swerte ni Barbie.

Apan dili malipay ang ilang mga fans ni Joshua Dionisio gumikan kay wala matud pay apil ang ka-love team niya, kundili sila si Kristoffer Martin ug Joyce Ching ang iyang makauban.  

Karisma sa “Slavine”

Mikisikisi ang mga fans sa Sugbuanong sila si Divine Maitland Smith ug Slater Young batok sa matud pa dili makatarunganon nga atensyon nga gibubo sa mga tagdumala sa Pinoy Big Brother sa ABS-CBN ngadto sa ilang mga idolo nga ilang ginganlan og “Slavine.”

“If you just watch PBB primetime since day 1, maka kita jud ka unsa ka bias ila treatment sa duha. Karun nlang gane na sila natagaan og exposure ginagmay since gamay naman lang jud ang housemates,” si Joy Murillo usa sa mga die hard fans sa duruha nga nagtawag sa ilang grupo og Exclusive Slavine-Pillows nagkanayon sa Banat News Hugyaw.

Gumikan niini, panawagan karon sa grupo ni Joy nga paluyuhan unta sa mga Sugbuanon ang ilang tinguha sila si Slater ug Divine maoy mugawas nga Top 2 housemates sa umaabot nga grand finals.

Asoy pa niya nga labihan ang “ka-kilig” nga ilang gibati sa higayon nga mag-“sweet moments” ang duruha sa sulod sa Bahay ni Kuya. Kilig ug intriga matud pa ang ilang mabantyagan sanglit sa sinugdanan pa lang miangkon naman si Divine nga tomboy siya.

‘I know this is very intriguing since open lesbian si Divine, but we fans can't help ourselves liking their tandem since sila raman sad ang nagpakita unsa sila ka sweet sa usag-usa. Kapila na mo angkon si Slater nga like/crush niya si Divine, pero wala tagai og gibug-aton sa PBB. Instead their making stories, tandems between Slater and Tin, Slater and Deniesse, Divine and Tin and Divine and Deniesse,” dugang pa ni Joy.

Misamot ang ka-kilig sa Exclusive Slavine-Pillows sanglit namahayag pud si Divine nga kun “straight” pa lang siya hayan makigrelasyon siya kang Slater.

“She even said nga Slater is someone who can make her go straight,” dugay’ng asoy pa ni Joy.

Gilab-as pud niya kadtong panahon nga didto pa sa “looban” ang mga housemates sa pagsugod sa PBB diin miangkon si Slater nga ganahan siya kang Divine, diin mao pud ni ang iyang tubag ngadto nila ni Judy Ann Santos ug Beauty Gonzales sa pagsulod sa duruha sa Bahay ni Kuya niining bag-o lang. Wala pud palabya sa Exclusive Slavine-Pillows ang paghinatagay og buwak nila ni Divine ug Slater sa usag-usa adtong Valentine’s Day diin namahayag ang nauwahi nga ang nahauna maoy rason nganong nagdugay siya sa Bahay ni Kuya.

“Kahit down na down na siya, Vine is there to comfort him, he even said Vine is like his wings daw. And si Vine naman, she is an open lesbian, she said she had a crush on Tin way back looban days, but nawala rin daw since tingin niya na kay Tin is like her li'l sister, hanggang naging crush niya si Denniesse,” nagkanayon si Joy.

Apan ang giatangan sa mga sakop sa Exclusive Slavine-Pillows mao ang unsay mahimong samputanan sa pagbati nila ni Slater ug Divine sanglit kun basehan ang ilang mga pamahayag sa usag-usa pagkakaron tataw nga labaw pa sa paghinigalaay ug pag-inugsuonay ang gipitik sa ilang mga kasingkasing.

“She was interviewd before by Bianca gonzales, and she said Slater has all the potential and is an ideal boyfriend. I she were to date a guy it would be Slater. She was even quoted na "Slater is everything for her,” bida pa ni Joy.

Alang sa gustong magsakop sa grupo nga nagsuporta sa Slavine mao ni ang account: https://www.facebook.com/SlaVine.Love