Erik, Posh, Go Girls, at Bryan termulo magko-concerT sa Seasports Festival

MANILA, Philippines - Magtatanghal sina Erik Santos, Posh, Go Girls, at Bryan Termulo sa awarding ng Manila Bay Summer Seasports Festival, na gaganapin sa ika-25 ng marso, alas-siyete ng gabi sa Manila Ocean Park.

Handog ng Manila Broadcasting Company at ng Lungsod ng Maynila, sa pakikipagtulungan ng Philippine Coast Guard, ang Manila Bay Summer Seasports Festival ay magsasagawa ng mga labanan sa Dragon Boat Racing at stock/formula races ng mga bangkang de-motor.

Ilan sa mga koponang kalahok sa Dragon Boat Mixed-Open championships ay ang Philippine Army, De La Salle University, PDRT Fireblades, Blue Phoenix, Maharlika Drakon, RCP Sea Dragons, Onslaught Racing Radgons, Oncer Piece Drakon Sangress, Rogue Pilipinas, Triton Racing Team, EYP Cebu Dragons, at Manila Ocean Park

Inaasahan namang lalaban sa kampeyonato ng mga bangkang de-motor ang batikang mga bangkero mula Batangas, Cavite, Bulacan, Quezon, La Union, Ilocos Sur, Mindoro, Iloilo,  Navotas, Parañaque, Pasay, at Manila.