Maricel ginawang Ginang!

Tapos na ang problema ni Maricel Soriano sa kanyag mga dating kasambahay na nagreklamo laban sa kanya.

At kahapon ay naglabas ang kanyang kampo (si Boss Vic del Rosario ang bagong manager ni Maricel) tungkol sa pagkakasundo ng aktres at ng mga kasambahay nito.

Kabilang ako sa mga nakatanggap ng statement tungkol sa pagkakasundo ng magkabilang-panig. Medyo naloka lang ako dahil imbes na Bb. Maricel Soriano, Gng. Soriano ang nakasulat sa salaysay. Matagal bago ko na-realize na si Maricel ang tinutukoy na Gng. Soriano sa statement. Knows kaya nang gumawa ng salaysay na Soriano ang maiden name ni Maricel at minsan lang siyang naging misis nang magpakasal sila noon ni Edu Manzano. Hindi ako sure kung na-annul na ang church wedding nina Edu at Maricel.

Nagpapasalamat sina Gng. Soriano, Bb. Acojedo at Bb. Cachuela (ang dalawang ka­sam­bahay) sa tulong nina Mon Tulfo at Congresswoman Bagasina sa pagkakataong ibinigay sa kanila para matapos na ang kanilang hidwaan at magkabati na muli. 

Nanette naghahanap ng mga celebrity na nag-aral sa public para sa kanyang adbokasiya

Maraming salamat kay Nanette Medved sa mga Hope water na ipinadala niya sa akin. Ang Hope water ang project na matagal na pinagkaabalahan ni Nanette.

Ang mga estudyante na nag- aaral sa mga public school ang makikinabang sa project n Nanette na ini-endorso ni Joey de Leon at ng ibang mga celebrity na nag-aral sa mga pampubliko na eskuwelahan.

Kasama ako ni Nanette nang makipag-meeting siya kay Papa Joey. Nagustuhan ni Papa Joey ang advocacy ni Nanette kaya tinanggap niya ang offer na maging endorser ng Hope.

Nakipag-usap din si Nanette sa ibang mga sikat na celebrity na produkto ng public school pero hindi ako sure kung nagkaroon ng positive result ang kanilang meeting.

Malalaman natin ang sagot kapag lumabas ang TV commercial at print ads ng Hope.

Gwen kabado sa The Witness

Sa Miyerkules, March 21, ang playdate sa mga sinehan ng The Witness, ang international horror movie na tinatampukan ni Gwen Zamora.

Marami ang excited na mapanood ang The Witness dahil sa kakaibang trailer nito. Magkakaroon ng VIP screening ang pelikula sa Newport Cinema sa Resorts World Manila. Kaba at excitement ang nararamdaman ni Gwen sa nalalapit na paghuhusga ng moviegoers sa pelikula niya na kinunan sa Jakarta, Indonesia.