Go Lang Ng Go!

Mao na ni! All over the world mga Ka Tribung BisChikadora! Usa napud ka Domingo ang atong saw-an ug usa sa mga gusto nakong paambitan kaninyo ang akong grupo nga naghatag nako og inspirasyon niining kalibutana ang “ Gays Unlimited Forever. “ Bisan paman sa akong ka busy sa trabaho basta aduna koy oras ug higayon ang akong nawong naa gyud permi sa Englis V. Rama kay didto man ko kanhi nagpuyo ug didto usab nako nahimamat ang mga G.U.F (Gay’s Unlimited Forever). Malipayon kaayo ang among grupo sa dihang nagbirthday ang usa sa mga miyembro sa miaging semana  nga si Frances “ Angel” Gacasan,  bisan toa siya sa layong dapit pero iyang gipaambit kanamo ang selebrasyon sa iyang adlaw’ng natawhan pinaagi sa pagpakaon sa mga “espesyal nga estudyante” sa Adams Jeanie Christian Inc..  Sa wala pa ang maong birthday treat ni Angel,  kami ni Tita Ezer Chan kay busy kaayong nangumpra og mga school supplies for the kids. Bisan paman sa kainit go lang go ang among beauty. Pagkahuman niana, pag abot sa parlor ni Tita Ezer best in putos ang among show, gi follow up nako ang gi order nako nga food, nilugwa og kalit si Glenn Boiser para mutabang. Pagkasunod ugma niana kay ready to go na ang mga G.U.F kay nag-abang ko og sakyanan with matching tarpaulin pa ang among show.

Pag abot namo sa eskwelahan diha sa Norkis Park sa Mandaue City, mainiton kami nga gisugat sa mga estudyante ug mga maestra. Gamay nga BisChika sa inyong Yur’s truly ug gipang-apud apud dayon namo ang mga school supplies ug ang mga packed meals. Tuod man, tataw kaayo sa mga nawong sa estudyante ang gihatod namo nga kalipay. Wala lang nakahibalo ang mga G.U.F nga gusto na unta modagayday ang akong mga luha pero maayo nalang napugngan kini nako. Mas Mao na ni ! All over the world! Si Frances Gacasan sa iyang gihatag nga tabang sa iyang adlaw’ng natawhan sa mga nagkinahanglan. Sigon pa niya sa dihang nagka istoryahanay kami sa telepono nga malipayon kaayo siya ug nagpasalamat sa G.U.F sa maong kalihukan. Gitubag nako siya nga ang tinuod nga miyembro sa G.U.F dili lang permi present panahon sa mga lipay lipay apan sa panahon nga kinahanglan ang ilang oras naa sila andam mo serbisyo. Gani ang uban kay ni absent pa sa ilang mga trabaho ug gibiyaan ang mga tulumanon. Nahuman ang birthday treat ni Frances Gacasan with a big splash kay ang ending diha kami sa usa sa mga nindot nga beach resorts sa Lapu- Lapu City nagpahayahay ug mas gipalig-on ang among grupo. Daghan kaayo ang mga nahisgutan ug good news karung July ang G.U.F kay mag “ thank you treat “na usab courtesy of Frances “Angel” Gacasan ug ang mas nakanindot niini daghan na ang gusto mosalmot ug mupaluyo, sama ni ate Flor Gacasan nga tua sa America. Mao na ni, all over the world!

Daghang Salamat sa Cebu Models Society and Chef Marc F. Cuizon Group of Charity Inc. sa recognition nga ilang gihatag nako, diin ang nakasuwat pa sa plake mao ni: “ For Working Behind The Scenes To Help Meet Beat Our Goal. Your “Good deed,  Good life  made all the difference. “ Ang akong masulti kanimo Chef Marc Cuizon ug Cebu Models Society basta ang inyong Yur’s truly andam muserbisyo kaninyo. Hangtud sa sunod nato panagkita! Kahibalo naka…. Mao na ni, all over  the world!

Atangi sunod Domingo: ang mga panghitabo sa Kapuso Mall Show sa Ayala Center Cebu kauban ang inyong Kapuso Stars!  Ug kinsa nga host/ comedienne nga nihatod og lafang sa usa ka???????