Richard mosalmot og triathlon

CEBU, Philippines - Nagpatabang og ampo si Ruffa Gutierrez base sa iyang mga gipang-tweet kagahapon alang sa kaluwasan sa igsuon niya nga si Richard.

Mosalmot si Richard karong weekend sa Xterra Philippines Triathlon. Dili basta-basta nga sports ang sagubangon sa actor sa nahisgutang event. Gawas sa pisikal nga preparasyon, kinahanglan nga kondisyon ang utok ug emosyon ni Richard gumikan kay kung dili siya anad niini , posibleng makasugat siya og kuyaw nga sitwasyon.

JC nangluspad tungod sa prosthetics

Diriyot makuyapan si JC de Vera  samtang gibutangan siya og prosthetics alang sa eksena kung diin nasunog ang iyang nawong ug kini alang sa mid season sa TV5 series nga Valiente.

Gumikan kay gawas sa init, naglisod siya og ginhawa samtang gi-apply na kini sa iyang nawong hinungdan nga nakabaton siya og pag-pangluspad.

 Wala’y mahimo ang aktor gumikan kay sa next episodes , magbutang siya og mascara sa iyang nawong aron manimalos.

Bisan paman nga naglisod si JC sa gipangbuhat ngadto sa iyang nawong, nag-enjoy man pud siya pag-ayo sa sexy scene nila ni Nadine Samonte sa maong serye.

Chariz molutaw sa My Kontrabida Girl

Mabatyagan gyud ang karakter ni Chariz Solomon sa seryeng My Kontrabida Girl isip assistant ni Rhian Ramos. Bisan pa man nga kapila na siya sagpa-sagpaon ni Rhian sa maong pelikula, makabuhat gihapon kini og punch line.

Pipila sa mga eksena nga nakapahimuot pag-ayo kadtong nagpakita sa ilang mga sampot sila si Enzo Pineda, Sef  Cadayona, Ken Chan ug Kevin Santos.

Wilma ug Annabelle magtigi gihapon sa korte

Gikatahong aduna pa’y nakalinya nga mga hearing sa korte sila si Wilma Galvante ug Annabelle Rama bisan pa man nga nagtingog na ang duha ka kampo.

Kahinumduman nga nag-away kaniadto sila si Wilma ug Annabele nga misangpot sa kinihaay.

Adunay tweet ang mga movie writers nga nagsilbi nga saksi sa habig ni Wilma nga duna na sila’y skedyul sa mga hearing busa ilaha gihapon kini nga tambongan aron dili ma-contempt sa korte. (BANAT NEWS)