Araneta concert ni Charice hinay
Manila, Philippines — Nag-react ang fans ni Charice sa balita nga ubos ang ticket sales sa recent concert sa Smart Araneta Coliseum sa ilang idol.
Gipakatap karon sa mga fans ni Charice ang mga picture sa concert nga kuha sa Cebu City para pamatud-an nga hit ang show nga gibalitang mubo ang ticket sales.
Mao ni sayop sa mga fans. Dili dawaton sa korte ang mga ebidensya nga ipagawas nila. Ngano man? Ang concert sa Araneta Coliseum ang mubo og ticket sales, nganong ang mga litrato man gikan sa Cebu show ang ilang gipakita?
Kung magpagawas pud sila og mga litrato nga puno og audience ang Araneta Coliseum, lisud mapamatud-an ang mao nilang pangangkon kay puwedeng nagpasulod sila og mga tawo aron ingnong miawas sa kadaghan sa nanan-aw ang Big Dome.
Kung may reklamo ang mga fans ni Charice sa mga report, mas maayo nga muadto sila sa Araneta Coliseum, mangayo sila og kamatuoran nga blockbuster ang concert ug mao ni ang ilang gamiton nga kamatuoran batok adtong mga misuwat nga so-so lang ang resulta sa show adtong March 9... Lolit Solis
Aron maka pang-chicks
“Charice is dressing like me so she can get chicks”, ang reaksyon ni Maverick Arevalo sa comparison nila ni Charice.
OPM greats mipanaw
Gawas ni Karl Roy sa bandang POT, namatay pud ang composer nga si Bodji Dasig. Si Bodji ang composer sa Ale, Nasa Langit Na Ba Ako ug asawa niya ang songwriter nga si Odette Quesada.
Fans ni Karl Roy
Gikaguol nila ni Iza Calzado, Francine Prieto, Jake Cuenca, Ogie Alcasid, Paolo Bediones ug Kean Cipriano ang pagkamatay ni Karl Roy, usa sa mga giisip nga rock legend sa Pilipinas.
B ang Kontrabida
Graded B sa Cinema Evaluation Board ang My Kontrabida Girl. Kagahapon gitan-aw sa CEB ang romantic comedy movie sa GMA Films starring Rhian Ramos ug Aljur Abrenica.
NakadistuRbo si Aljur
Na-late si Aljur Abrenica sa special screening sa My Kontrabida Girl adtong Lunes sa gabii. Nakabalda sa mga nanan-aw ang mga TV cameras nga nagsunod-sunod kang Aljur sa sulod sa sinehan.
Grace patakag litok
Sayop ang paglitok ni Grace Lee sa ngalan ni Mikael Daez sa report niya kagahapon sa showbiz segment sa Balitanghali sa GMA News TV. Michael Daez ang gilitok ni Grace sa maong report. Salve Asis (BANAT NEWS)
- Latest
