Rakista at composer sabay namatay!

SEEN : Ang maling pronunciation ni Grace Lee sa pangalan ni Mikael Daez sa report niya kahapon sa showbiz segment ng Balitanghali ng GMA News TV. “Michael Daez” ang pangalan na sinabi ni Grace sa kanyang report.

SCENE : Sumakabilang-buhay kahapon ang mga musicians na sina Karl Roy ng POT at Bodji Dasig ng Bodjie’s Law of Gravity. Si Karl ay naging lead vocalist din ng Kapatid.

Si Bodji ang composer ng Ale, Nasa Langit na Ba Ako at asawa siya ng mahusay na songwriter na si Odette Quesada.

SEEN : Ikinalungkot nina Iza Calzado, Francine Prieto, Jake Cuenca, Ogie Alcasid, Paolo Bediones, at Kean Cipriano ang pagpanaw ni Karl Roy, isa sa mga itinuturing na rock legend sa Pilipinas.

SCENE : Nag-apologize kay AFC Match Commissioner Cristy Ramos si Lexton Moy ng Philippine Azkals.

Huli na nang ma-realize ni Lexton na hindi ordinaryong babae ang nagreklamo sa kanya ng sexual harassment.

SEEN : Nanindigan ang Azkals player na si Angel Guirado na shorts at hindi underwear ang kanyang suot nang mag-inspeksiyon si Commissioner Cristy Ramos sa loob ng kanilang locker room.

It’s Angel’s words against Cristy’s.

SCENE : Nagsisimula na ang screening ng My Kontrabida Girl nang dumating si Aljur Abrenica.

Na-distract ang mga nanood sa special screening sa The Block Cinema noong Lunes dahil sa mga TV cameras na sumunod at tumutok kay Aljur sa loob ng sinehan.

SEEN : Graded B ng Cinema Evaluation Board (CEB) ang My Kontrabida Girl.

Kahapon pinanood ng CEB members ang romantic comedy movie ng GMA Films.

SCENE : Magkasundo na sina Annabelle Rama at Wilma Galvante pero patuloy ang hearing sa kanilang mga kaso na isinampa nila laban sa isa’t isa.

SEEN : “Charice is dressing like me so she can get chicks,” ang reaksiyon ni Maverick Relova sa comparison sa kanila ni Charice.