Istorya ng Legacy mas lalong umiinit

MANILA, Philippines - Matitigilan si Diana. Hindi rin titigil si Iñigo. Sasabihin pa nitong handa naman siyang makipag-negosasyon kay Diana ng presyo. Pero makakapag-isip si Diana at hihindi ito. Dadalawin naman ni Josh si Natasha pero hindi makikipag-usap ang huli sa dati niyang nobyo. Samantala, mukhang sinusubukan ng kapa­laran si Diana. Matapos niyang tanggihan ang alok ni Iñigo ay maabutan niyang walang malay si Isabel pag-uwi niya.

Ayon sa doktor ay malaki ang kakailanganing halaga para sa operasyon ni Isabel. Kahit cell-phone ni Diana ay isasanla na niya kay Juliet magkapera lang. Hindi niya kasi makaya na magtrabaho sa Lala dahil na rin sa pamilya niya ang nasa Legacy. Pero ayon na din sa mga kaibigan ay wala namang choice si Diana at trabaho lang naman iyon. Susugod naman si Eva kay Bernadette sa opisina. Ipapaalala ni Eva kay Bernadette na huwag siyang magsiguro dahil babalik pa si Natasha. Wala pa rin naman daw napapatunayan sa kumpanya si Bernadette.

Tatakbo rin si Eva kay Romualdo. Kuntento nga lang ito sa trabaho ni Bernadette kaya supalpal si Eva. Dahil na rin sa kawalan ng pagkukunan ng pera ay tatakbo pa rin si Diana sa Legacy pero si Bernadette ang makikita niya.

Umiinit ang mga nangyayaring eksena sa programang Legacy ng GMA 7 na sinusubaybayan gabi-gabi.