Marian andam na maghubo

CEBU, Philippines - Suma pa ni Popoy Caritativo nga misugot na ang iyang alaga nga si Marian Rivera alang sa usa ka daring pictorial. Wala pa hinuon gibutyag ni Popoy kung unsa nga magazine makita ang sexy nga lawas ni Marian.

Pia dili makauban sa California

Dili makauban si Pia Guanio sa mga kaubanan niya sa Eat Bulaga alang sa special episode sa maong programa nga himoon sa Cow Palace sa San Francisco, California karong March 31. Upat ka buwan na nga nagsabak si Pia busa dili niya feel nga molarga gumikan kay kinahanglan nga dili mahago ang iyang lawas.

Kim ready na mahigugma

Andam na matud pa si Kim Chiu nga musulod og bag-ong relasyon, duha ka tuig human sa ilang panagbuwag ni Gerald Anderson. “Parang pwede na,” ang linya ni Kim dihang gipangumusta kabahin niini.

Angelito Extended

Gumikan sa taas nga rating extended ang teleserye “Anghelito Batang Ama” sa ABS-CBN hangtud Mayo inay kutob ra unta kini karong buwana. Happy si Charee Pineda gumikan kay wala matud pa kini sa iyang kontrata, igo lamang siyang gihatagan og kahigayonan nga mapares kang JM Pineda niining maong proyekto.

Rocco nataypan

Back-to-back ang nomination ni Rocco Nacino para sa Cinemalaya movie “Sayaw ng Dalawang Kaliwang Paa,” diin kauban niya si Paulo Avelino ug Jean Garcia. Nominado si Rocco sa New Movie Actor of the Year category sa Star Awards for Movies sa Philippine Movie Press Club (PMPC) ug sa Breakthrough Performance by An Actor category sa Golden Screen Awards sa Entertainment Press Society (EnPress).