Miss Mandaue 2012: Nganong 12 ra ka kandidata?

Hinatag ni Jay Dalumpines

CEBU, Philippines - Nagsugod na ang kisaw sa Miss Mandaue 2012. Ug sa labing unang higayon, gikan sa naandan na nga 20 ka mga kandidata ang magtigi sa titulo, karong tuiga 12 na lamang ka mga maanyag ug utukang mga dalaga ang mag-ilog sa korona.

Ang project coordinator sa maong indigay nga si Clarence Sanchez nga nahinabi sa Banat News Hugyaw adtong Miyerkules sa hapon, miingon nga gituyo kini aron mas dali ang pag-control, ilabi na panahon sa mga pre-pageant activities.

Gipasabot ni Sanchez nga kung duna pu’y mga rehearsals, dali dayon nila makontak ang mga kandidata sanglit 12 ra man kabuok.

Kini maoy ika-43 ka tuig na sa Miss Mandaue ug usa kini kanunay sa atangan sa mga Sugbuanon matag tuig.

Ang Grand Coronation Night himuon sa unang bahin sa buwan Mayo sa Mandaue City Sports Complex ug nagbaha nga mga sorpresa ang ilang idalit.

Nagdumili una pagbutyag ngadto sa Banat News Hugyaw si Sanchez kabahin sa mga pahugyaw nila sa pageant karong tuiga sanglit dili pa pinal ang tanan.

Hinuon sulod sa tulo na ka tuig, wala nay swimsuit competition ug ilaha na kining gihulipan og sports wear.

Ang 12 ka mga kandidata sa Ms. Mandaue 2012 mao ang musunod:

1. Armenjoice Bael

2. Joanne Bonnety

3. Zenybelle delos Santos

4.Febb Flores

5. Daily Rell Lopez

6. Neesha Murjani Namrata

7. Jacqueline Pedotti

8. Jomalyn Seldura

9. Keena Mary Anne Sumido

10. Nicole Tuazon

11. Michelle Jane Uy

12. Maria Cassandra Yu.