Ayaw makasama si Shaina, John Lloyd mas type makatrabaho si Anne

Buong katapatang sinabi ni John Lloyd Cruz kung papipiliin siya ‘di niya pipiliing makatambal sa anumang pelikula ang girlfriend niyang si Shaina Magdayao. Never nilang naisip ito. Sa halip sinabi niya na kung may gusto siyang makapareha sa susunod, ito ay si Anne Curtis. Bagaman at hindi niya iniisip na bagay silang pareha, ang pangyayaring ito ang nagsisilbing hamon para mapatunayan niya na sa tamang proyekto, magkakaroon din sila ng chemistry.

Bea hindi ready sa halikan

Gustuhin man ng magka-loveteam na Jake Vargas at Bea Binene na magkaroon ng kissing scene sa kanilang pelikula o TV projects, kailangan pa nilang maghintay ng tamang panahon.

Hindi ko alam kung kailangan dapat mandaya. Si Julia Montes nga pa­nay daya ang kissing scene kina Coco Martin at Paulo Avelino sa seryeng Walang Hanggan.

Pero sinabi ni Bea na hindi pa siya handa sa mga ganitong eksena bagaman at nang tanungin niya ang kanyang kapareha kung handa na ito, sinabi nitong oo pero sa kanya lamang. Ayaw nitong makipag-kissing scene sa iba. Both are starring in My Kontrabida Girl topbilled by Rhian Ramos and Aljur Abrenica.

Jessy parang hindi mapupunta kay Budoy

Tila sa character naman ni Enrique Gil mauuwi ang character na ginagampanan ni Jessy Mendiola sa magtatapos ng serye bukas na Budoy. Bagaman in reality ay wala naman sigurong normal na babae na magpapakasal sa isang mentally challenged na tulad ni Budoy, baka hindi matanggap ng maraming manonood ang katotohanang ito and will insist na sina Budoy at Jackie pa rin ang magkatuluyan in the end.

Baka rin maisip ng pamunuan ng ABS-CBN na gawin ang ganitong pagtatapos na hindi naman magiging makatotohanan. Kaya abangan na lamang natin kung kay Budoy pa rin mauuwi si Jackie o sa kapatid niyang si BJ.

14 baguhan maglalaban sa best new actor-actress

Isa pa rin sa pinaka-aabangang kategorya sa gaganaping Star Awards for Movies sa Marso 14 ay ang Best New Actor/Actress. Sa rami ng mga bagong artistang naglalabasan ngayon, meron at merong makikitang may potensiyal na maging isang malaking artista in the future.

Labing apat na kabataang artistang babae at la­laki ang napili ng PMPC na nakita ang nata­tanging pagganap sa isa sa mga pelikulang ginawa nila noong nakaraang taon.