GMA-7 may "Indio"

Manila, Philippines – Papas nga mikatap sa Internet nga may bag-ong gisuwat karon nga epic serye si Suzette Doctolero para sa GMA-7. Si Suzette maoy headwriter sa Encantadia, Amaya, Hiram Na Puso ug uban pang mga hugyaw nga teleserye sa network.

Una niini, atol sa presscon sa Hiram Na Puso sa milabay nga semana, gipadayag ni Suzette hayan dili kini mahinayon sanglit labihan matud pa ka dako sa budget nga gikinahanglan.

Apan murag sayup ang pagduda ni Suzette kay ang latest tsika mao nga nag-meeting adtong Lunes ang nahisgutan ug ang actor nga maoy magbida sa nahisgutang epic serye. Dungan niini nangayo og dispensa si Suzette sa mga fans sa Encantadia kay murag ihikling lamang una ang pagmugna sa sequel niini, gumikan kay unahon nila ang maong epic serye nga may working title Indio.

Giaprubahan na sa management ang Indio hinungdan nga suwaton na niya kini. Giklaro ni Suzette nga dili kini straight historical drama, mas Pinoy epic matud pa kini.

Dungan niini may mga panawagan nga si Dennis Trillo maoy himuong bida niini.

TV5 gibasura ni Grace!

Murag dili mahinayon si Grace Lee paglayat paingon sa TV5 gumikan kay tweet niya kagahapon mao ni: “For those asking, yes I will continue with my show on GMA.”

Pwes, gipaabot karon kun hatagan ba og bag-ong show si Grace, gawas sa iyang segment sa 24 Oras Weekend ug sa ubang shows sa GMA News TV.

   Si Grace ang ikaduhang talent ni Arnold Vegafria nga natsismis nga mubiya na sa GMA-7. Ang una mao si Carla Abellana nga gitakdang mu-renew sa iyang kontrata karong adlawa sa GMA-7.

Julielmo mag-shooting na!

Karong Biyernes na ang unang shooting day sa Just One Summer, ang launching movie nila ni Elmo Magalona ug Julie Anne San Jose sa GMA Films. Pinaspasay ang mugna nila sanglit ugma pa puhon ipahigayon ang story conference, ug pagka sunod adlaw shooting dayon.

Kagahapon pud ang workshop sa mga bida.

Si Mac Alejandre maoy direktor nila. Nakatando na si Alejandre niining maong pelikula sa wala pa siya mipirma og exclusive contract sa TV5…..Nitz Miralles

Taylor ganahan gyud muarte

Nahugyaw ang mga fans ni Taylor Swift sa hulagway niini nga nag-two piece bikini sa iyang pagkaligo didto sa Cottesloe beach sa Perth, Australia niining bag-o lang.

Ang US Weekly maoy nagmantala sa maong hulagway, diin ang maong 1950’s style swimsuit giparesan og tortoiseshell sunglasses.

Si Swift didto sa Australia alang sa iyang sold out concert, samtang gipistahan pud ang iyang pelikula nga The Lorax, ang latest Dr. Seuss film, nga giingong mibuak og box office records.

Ang balita sa yahoo.com nagkanayon nga gipadayag ni Taylor nga bukas siya nga muhimo og laing pelikula basta muhaom sa iyang schedule.

“Acting is something I’ve been fascinated by my entire life,” si Swift nagkanayon ngadto sa MTV. “I would want to have the time, the ability and the love for something, the love for a character to where I could really make that commitment to it.”

Grace hatagag espesyal nga show

Mi-resign na si Grace Lee sa programang Good Times.Suma pa sa management, magmugna sila og bag-ong show para ni Grace nga mas “decent” ug “safe” nga muhaom sa personalidad sa DJ/ TV host.

Carla dili mahinayon

Gitakda nga mupirma og bag-ong kontrata si Carla Abellana sa GMA-7 karong adlawa suma pa sa PEP. In other words dili na siya mahinayon og balhin sa laing estasyon. Si Carla maoy leading lady ni Richard Gutierrez sa umaabot nga primetime soap sa aktor/host.

Birthday gift ni Sarah

Gihatagan ni Sarah Geronimo og iPad si Gerald Anderson isip 23rd birthday gift.

Derrick nag-ambisyo’g album

Si Derrick Monasterio ug Julie Ann San Jose ang nagkanta sa theme song sa “My Kontrabida Girl.” Dungan niini, malaumon si Derrick nga makahimo na gayud siya og album sa dili madugay.

Charice ka level na si Gary ug Martin

Pasok si Charice isip judge sa X-Factor Philippines sa ABS-CBN. Co-judges niya sila si Gary V ug Martin Nievera. Siya maoy bugtong babaye nga mulingkod isip hurado. (BANAT NEWS)