Mariel stepmother na stepmother ang dating sa pictorial ng mga anak ni Robin

SEEN: Si Mariel Rodriguez at ang mga anak ni Robin Padilla na sina Kylie at Zhen ang cover girls ng March 2012 issue ng Working Mom.

Stepmother na stepmother si Mariel sa pictorial nilang tatlo.

SCENE: May Infinity Tour concert si Charice sa Tennis Indoor Senayan, Jakarta, Indonesia sa March 7.

Kasunod ng Infinity Tour sa Jakarta ang walang ingay na Infinity Tour ni Charice sa Smart Araneta Coliseum sa March 9.

SEEN: Hindi nag-iisa si Christian Bautista dahil hindi rin masaya ang ibang singer-actor na contract artists ng ABS-CBN sa mga proyekto na ibinibigay sa kanila ng network management.

SCENE: Masama ang pakiramdam kahapon ni Sharon Cuneta at maghapon siyang nagpahinga para matuloy ngayon ang taping ng kanyang bagong talk show sa TV5.

SEEN: Tapos na ang 15-minute fame ni Al Galang dahil hindi na interesado sa kanya ang media at ang mga tao. Balik sa pagiging “the who” ang yoga instructor na pinagselosan ni Hayden Kho, Jr.

SCENE: Nami-miss ng ASAP 2012 followers ang presence ni Sarah Geronimo dahil hindi kumpleto ang kanilang panonood kapag wala ang kanilang hinahangaan na singer-actress.

SEEN: Ang report ng Box Office Mojo International sa resulta ng mga pelikula na ipinalabas sa mga sinehan sa Pilipinas noong Feb. 15 hanggang Feb. 19.