30% daw ang ownership?!, GMA 7 todo tanggi na ka-share na si Manny Pangilinan sa istasyon

Nabuhay uli ang mga tsismis na binibili ni TV5 Chairman Manny V. Pangi­linan ang GMA 7.

For the nth time, pinabulaanan ng GMA Network, Inc. management ang kumakalat na balita. Walang katotohanan ang tsismis at lalong hindi totoo na si Papa MVP na ang nagmamay-ari ng 30% ng Kapuso Network.

Bakit nga ba hindi mamatay-matay ang balita na binibili ni Papa MVP ang Kapuso? In fairness to him, hindi naman idinidenay ni Papa Manny na interesado siya na magkaroon ng share sa GMA 7 pero walang negosasyon sa pagitan nila ng Kapuso management at mismong si Atty. Felipe L. Gozon ang nagpatunay nito.

Daboy hindi nakakalimutan nina Bong at Jinggoy

Courtesy of Senators Bong Revilla, Jr. at Jinggoy Estrada ang magagandang bulaklak na nakalagay sa puntod ni Rudy Fernandez nang gunitain ang kanyang 60th birth anniversary noong Sabado, March 3.

Kung nasaan man si Daboy, siguradong happy siya dahil hindi nakakalimot ang mga nagmamahal sa kanya.

Tulad nang ikinuwento kahapon, isang misa para sa 60th birth anniversary ni Daboy ang ginanap sa Heritage Park, Taguig City. Dumalo sa misa ang pamilya at mga kaibigan ni Daboy.

Mula sa Heritage Park, tumuloy ang lahat sa dinner na ginanap sa bahay ng mga Estrada sa San Juan.

Pia seksing-seksi pa rin na parang walang laman ang tiyan

Seksing-seksi pa rin si Pia Guanio nang mapanood ko siya kahapon sa Showbiz Central.

Hinihintay ko ang paglobo ng tiyan ni Pia bilang buntis nga siya pero hanggang kahapon, sexy pa rin ang kanyang katawan. Kung hindi nga natin alam na buntis si Pia, hindi natin iisipin na may baby na lumalaki sa kanyang sinapupunan.

Good example si Pia sa mga kababaihan na buntis na losyang na losyang agad ang hitsura. Si Pia ang inyong gawin na inspiration dahil kese­hodang buntis kayo, puwede pa rin kayo na ma­ging glamorous sa paningin ng mga tao.

Mommy D. masigla na uli

Balik-sirkulasyon si Mommy Dionisia Pacquiao dahil kaliwa’t kanan na uli ang mga interbyu sa kanya sa TV.

Isa lang ang ibig sabihin nito, masigla na ang madir ni Congressman Manny Pacquiao kaya active na muli siya sa ballroom dancing at sa pagkanta. ’Di nga ba’t ipinagmamalaki niya na magkakaroon sila ng concert ng kanyang idol na si Imelda Papin?

Marvin tinatawag nang ‘chef’

 “Chef Marvin” ang tawag kay Marvin Agustin dahil sa mga restaurants na pag-aari niya. Magkikita kami ng aktor sa Miyerkules para sa bagong raket niya na magbibigay sa kanya ng extra datung.

Wala nang kontrata si Marvin sa anumang TV network kaya libre siya na lumabas sa mga shows ng ABS-CBN, TV5, at GMA 7. Habang wala pa siyang regular TV show, busy si Marvin sa shooting ng bagong pelikula ng Viva Films at siyempre, sa pag-aasikaso sa kanyang mga negosyo.

Teacher Georcelle malaki ang utang na loob sa Eat Bulaga

Nagulat ako nang malaman ko na si Teacher Georcelle Sy pala ang choreographer ng blockbuster concert nina Jose Manalo at Wally Bayola.

Identified kasi si Teacher Georcelle sa ABS-CBN kaya hindi alam ng mga tao na love na love siya ng Eat Bulaga people. Tumatanaw ng malaking utang na loob si Teacher Georcelle sa mga produ ng Eat Bulaga dahil naging part siya noon ng number one noontime variety show ng bansa.