Party Pilipinas stars magpa-pares-pares

MANILA, Philippines - Maaksiyon ngayong Linggo sa Pares edition ng Party Pilipinas na dobleng ulit na magpapakilig at magpapaaliw sa mga manonood.

Nasa perfect harmony ang lahat sa pagduduweto ng mga prime balladeers at biriteras ng Party Pilipinas. Maghandang mapaibig muli sa awitin nina Julie Anne San Jose at Elmo Magalona.

Abangan din ang masidhing R&B showdown sa pagsasama sa entablado nina ShinKy (Rachelle Ann Go at Kyla) at KrisJay (Kris Lawrence at JayR).

Magpapatuloy ang party sa back-to-back performance ng Gen Next kasama ng XLR8 at ng Decibelles kasama ng Down to Mars.

Panoorin rin ang naiibang dance beat ng magkakaparehang Kapuso stars na sina Julian-Sef, Julie-Elmo, Sarah-French, Jake-Bea, Kristoffer-Joyce, Arkin-Leana, Gwen-Chloe, Alden-Louise, Sam-Aljur, at Rochelle-Mark sa Dance Combi.

Sasakupin din ang dance floor ng party jock na si Isabelle Daza habang ipinagdiriwang niya ang kanyang kaarawan sa isang mainit na dance number.

Huwag ding kaligtaang panoorin ang engrandeng paglulunsad ng bagong afternoon prime ng GMA na Hiram na Puso. Saksihan ang paghahanap ni Kris Bernal sa kanyang other half kasama ng ibang cast na sina Mark Herras, Polo Ravales, Winwyn Marquez, at Bela Padilla.