AiAi itinago ang dyowa sa dressing room

PIK : Punung-puno ang Smart Araneta Coliseum nung kamakalawa ng gabi para manood ng concert nina Jose Manalo at Wally Bayola.

Iyon na yata ang isa sa pinakamalakas na concert na ginanap sa Big Dome kaya hanggang sa natapos ang show, parang hindi pa rin makapaniwala ang pinakasikat na duo na umabot na sila sa Araneta.

Doon na rin sa kanilang concert ini-announce nina Vic Sotto at Joey de Leon na magkakaroon na rin ng pelikula sina Wally at Jose na ipo-produce ng APT Films.

PAK : Kasama ni AiAi delas Alas sa concert nina Jose at Wally ang napabalitang non-showbiz boyfriend nito.

Sinamahan siya nito at nasa dressing room lang ito nakatigil. Iniiwas ni AiAi sa media ang kanyang boyfriend kaya nagmamadali itong umalis pagkatapos niyang mag-perform sa concert nina Jose at Wally.

BOOM : Proud si Chariz Solomon na ipinakita sa amin ang kanyang engagement ring sa kanyang non-showbiz boyfriend.

Tuwang-tuwa niyang ikinuwento sa amin sa presscon ng My Kontrabida Girl na nung January 2011 pa nag-propose sa kanya ang kanyang non-showbiz boyfriend. Pero inaayos na nila ang kanilang kasal na naka-schedule na sa December ng taong ito.

Kaya todo kayod siya ngayon para makapag-ipon naman daw siya bago siya  magpakasal.