Jeremy Renner nabihag ng misteryosang Pinay!
Hindi pa pala tapos ang shooting ng The Bourne Legacy sa Manila area. Nag-shooting ang cast and crew ng The Bourne Legacy sa university belt noong Sabado kaya nakansela ang klase sa ibang mga universities.
Si Jeremy Renner ang star ng The Bourne Legacy. May mga tsismis na nabihag ng isang Pinay ang puso ng sikat na American actor pero hindi pa natutuklasan ng mga reporters ang identity ng mystery girl.
AiAi tanggap ng mga anak sa bagong love life
Tanggap ng mga anak ni AiAi delas Alas kung sakaling magkaroon ng love life ang kanilang sikat na madir.
Nakita ng mga bagets ang mga sakripisyo ni AiAi para mapalaki sila nang maayos at mabigyan ng magandang buhay kaya bilang kapalit, gusto nila na maging maligaya ang kanilang ina sa piling ng mhin na mapipili niya na mahalin.
Masuwerte si AiAi sa pagkakaroon ng mga understanding na anak. Hindi sila kagaya ng ibang mga bata na nag-e-emote at pinagseselosan kapag may love life ang kanilang mga magulang. Sa kaso ni AiAi, very supportive sa love life niya ang kanyang mga anak.
Rhian nangangamoy award sa pagbabalik
Positive ang feedback sa teaser ng My Kontrabida Girl. Hindi ako nagkamali ng kutob na magugustuhan ng mga tao ang teaser ng pelikula namin ni Rhian Ramos.
Nang unang ipakita sa akin ang teaser, naka-feel ako ng kakaibang excitement para sa My Kontrabida Girl.
Si Jade Castro ang direktor ng pelikula at siya rin ang direktor ng Zombadings: Patayin sa Shokot si Remington, ang movie na nagbigay ng best actor award kay Mart Escudero.
Magaling si Rhian sa mga eksena niya sa My Kontrabida Girl. Hindi ako magtataka kung si Jade ang makapagbigay ng unang best actress award ni Rhian.
Rudy gugunitain sa misa
Kung nabubuhay si Rudy Fernandez, 60 years old na siya sa kanyang birthday sa March 3 at siguradong magkakaroon ng big celebration.
Pero kahit nasa kabilang buhay na si Daboy, hindi siya nalilimutan at malilimutan ng mga nagmamahal sa kanya. Isang misa ang idaraos sa puntod ni Daboy sa Heritage Park, Taguig City bilang paggunita sa kaarawan niya sa March 3.
Kung alive si Daboy, tiyak na ang guwapo-guwapo pa rin niya dahil kabilang siya sa mga aktor sa Pilipinas na lalong gumuguwapo habang nagkakaedad.
Oscars na!
Hindi ako puwedeng abalahin ngayong umaga dahil naka-focus ang atensiyon ko sa Academy Awards na hindi ko nakakaligtaan na panoorin sa TV, taun-taon.
Hindi kumpleto ang araw ko kapag hindi ko napanood ang Oscars dahil naging tradisyon ko na ito.
- Latest
