Biritera mas nagpapasabik!

MANILA, Philippines - Uuwi si Remy nang hindi nakikita si Roseanne. Mabubuo sa isip nito na talagang inilalayo ni Jo ang anak-anakan sa kanya. 

Tuloy naman ang party kung saan darating din sina Mikmik at Iris na tahasang kukunin ang atensiyon ni Andrei para lalong mapalapit dito. Pero mas na kay Roseanne ang atensiyon ni Andrei. Lagi niya itong inaasikaso na siyang ikinaiinggit ni Barbie. Pagbibintangan ni Barbie na sumisipsip si Roseanne kay Andrei na itatanggi naman agad ni Roseanne. Dagdag sa ‘di pagkakaunawaan ng dalawa ang pang-iinis ni Darling lalo na nang ipakita nito ang iguana na ikinatatakot ni Roseanne. Dito naman magkaka-idea si Jo. 

Nang mag-CR si Roseanne, matatakot ito sa biglang pagsulpot ng iguana. Gagawa ng eksena si Jo at palalabasing may nagdala ng iguana sa CR para takutin si Roseanne. Dali-dali silang aalis pagkatapos nito pero mapi-pick up ng press ang pagbibintang ni Jo kahit wala itong pinangalanan. At sa pag-uusisa ng press, ituturo naman nila Barbie si Darling. Dahil dito magkakaroon ng negative write-up tungkol kay Darling na siyang ikaiinis nito ng husto. 

Samantala, nang inuwi ni Jo si Roseanne kay Remy. Halos sugurin ito ni Remy at sasabihin ang matagal nang hinala. Magkakaila naman si Jo at palalabasin pang si Remy ang nagkamali ng akala kaya naligaw at hindi natunton ang venue ng party. Makikiusap si Roseanne sa dalawa na magbati na kaya mapipilitan si Remy na makipag-ayos na lang. 

Marami pang mga nakakasabik na pangyayari sa inaabangang Biritera gabi-gabi sa GMA 7.