ViVa's Leading Ladies walang pahinga!
MANILA, Philippines - Walang pahinga ang Viva Artist leading ladies na sina Anne Curtis, Sarah Geronimo, KC Concepcion, at Cristine Reyes.
Pagkatapos ng matagumpay na blockbuster debut na Annebisyosa: No Other Concert ni Anne, balik-teleserye siya sa Kailangan Ko’y Ikaw kasama sina Kris Aquino at Robin Padilla. Kasama pa diyan ang araw-araw niyang noontime show na It’s Showtime at US tour ng kanyang No Other Concert.
Si Sarah naman ay magsisimula na sa kanyang weekly musical talk show na Sarah G. Live! na sinasabing magpapaningning pa sa star power ng Pop Princess sa Tradisyon ng Superstar at The Sharon Cuneta Show. Lalabas na rin ang kayang latest single mula sa kanyang matagumpay na album na One Heart.
Samantala, si KC naman ay abala sa paghahanda sa pagiging host ng Philippines edition ng UK and US hit series na X-Factor. Makikita rin siya sa ASAP Rocks.
Hindi rin matatawaran ang bagong show ni Cristine na Nang Dahil sa Pag-Ibig kung saan makakasama niya sina Piolo Pascual at Jericho Rosales. Ito ay pagkatapos ng matagumpay sa ASAP Rocks kung saan ipinamalas niya ang galing niya sa pagho-host at pagsayaw.
- Latest
