Chona Mae Honasan

Yezz, mga yadzz! Kining kauban namo sa pipila ka mga salida sa INTV-CCTN, Channel 47 nga si Doroboy Long, gitawag na ni siya namo ron nga usa ka talent scout. Kay ambot unsay iyang charisma, nga makadani man gyod siya, o makakita man gyod siya’g mga talents, labi na gyo’g ultima hora nga, gikinahanglan kaayo ang usa ka talent, sa usa ka project kun mo-back out na ang talent nga gi-schedule na unta para sa maong project. Yess, kadaghan na ni siya maka-save sa pipila ka mga directors sa INTV –CCTN, Channel 47, labi na sa mga project ni direk Pepe Tariman. Gani, gitawag na ni siya namo nga, Master Talent Scout. Wow! Kun kaniadto sa akong prime time, bisan gani si kanhi Congressman Raul del Mar, motawag nako’g The German Moreno of Cebu, ug si Ricky Davao, mosulti nga, “kun makaibigan mo si Kris, para kang nakasandal sa pader, ug si anhing Cerge Remonde moingon nga, “hindi ka magkakamali basta si Kris ang inyong malapitan” ug si Nestor Alonso moingon nga “institution na si Kriss,” ug si direk Al Evangelio motawag nako’g, “The Walking Scandal Of Cebu” [actually, mao ni ang ganahan nako, “The Walking Scandal of Cebu,” kay hasta si Emmanuel Villaruel motawag nako ani], aniay gihinganlan na karon nga, “The Ultimate Talent Scout of Cebu!” Sorry, Charlotte Cinco, gipulihan na ni Doroboy Long ang imong pwesto. Ug karon, dunay bag-ong discovery si Doroboy Long, ug iyang gipaila namo. Ug hayan iapil sa sunod namong salida, after “Pakaslan Ko Ikaw” [diin usa ka gangster ang role ni Doroboy Long]. Chona Mae Honasan kono ang gihingan niya sa bag-o niyang kaplag. Mora na man ni siya atong talent manager pod kaniadto nga dunay mga soft drink ug hard drink beauties sama nilang Brandy Ayala, Coca Nicolas, Pepsi Paloma, ug kadtong mga talents nga na-discover after sa kudeta nga gihinganla’g Kuhdet Honasan, ug ambot unsa pa to. Interested ra ba konong mo-meet ang mga artista sa bag-ong project. Kay na-intriga sila sa name nga, Chona Mae Honasan.