Manny at Jinkee nakipag-sosyalan sa birthday ni Muhammad Ali

SEEN: Nagpasalamat si Dr. Vicki Belo sa Diyos at sa kanyang mga followers sa Twitter na nakatulong sa desisyon niya na hiwalayan si Hayden Kho, Jr.

“I most especially thanked God for all of you tweets. You guys were the first to know, when I found out and had proof I tweeted immediately,” sabi ni Dra. Belo na bumalik na ng bansa kahapon.

SCENE: Hindi na Twitter follower ni Dra. Belo si Hayden Kho, Jr. Hindi na Twitter follower ni Hayden si Dra. Belo.

Pero Twitter follower pa rin ni Hayden si Nancy Castiglione.

SEEN: Naayos ang misunderstanding nina Pauleen Luna at Vic Sotto noong Valentine’s Day.

Hindi sila nag-uusap ng araw na mahimatay si Pauleen sa remote telecast ng Juan for All, All for Juan sa Davao City.

SCENE: Dumalo ang mag-asawang Congressman Manny at Jinkee Pacquiao sa 70th birthday celebration ni Muhammad Ali sa MGM Grand Arena sa Las Vegas, Nevada noong Feb. 18.

SEEN: Nakipagsosyalan sina Rep. Manny at Jinkee sa mga sikat na celebrities sa birthday party ng sikat na boksingero.

Sina Cindy Crawford, Stevie Wonder, David Beckham, at Samuel Jackson ang ilan sa mga famous celebrities na nakisaya kay Ali.

SCENE: Nalungkot ang mga artista at production staff ng Valiente dahil inilipat sa late timeslot ang kanilang programa dahil sa pagpasok ng Nandito Ako.

SEEN: Nakita si Luis Manzano sa dressing room ng Showbiz Central noong Linggo.

Sinundo ni Luis ang kanyang girlfriend na si Jennylyn Mercado.