Shaina TH sa pagpapaseksi

SEEN: Sexy si Shaina Magdayao sa kanyang impersonation kay Alma Moreno sa production number niya kahapon sa ASAP 2012 ngunit kulang siya sa sensuality. Trying hard tuloy ang pagpapaseksi ni Shaina.

SCENE: Pinigil ni Sarah Geronimo ang luha nang magpaalam siya kahapon sa ASAP. Iniwan ni Sarah ang Sunday musical show ng ABS-CBN dahil binigyan siya ng sariling programa, ang Sarah G Live na magsisimula sa Feb. 26.

SEEN: Bumalik na kahapon si Rhian Ramos sa Party Pilipinas. Nawala si Rhian sa Party Pilipinas nang magpahinga siya dahil sa controversial issue nila ng ex-boyfriend na si DJ Mo Twister.

SCENE: Si Kyle Imao ng Marikina City ang tinanghal na 1st Pinoy Junior Master Chef sa Junior Master Chef Pinoy Edition Finale: The Live Cook-off ng ABS-CBN noong Sabado.

Isang milyong piso at P1.5 million worth na culinary scholarship ang premyo ni Kyle.

SEEN: Isa-isa nang umaalis sa bansa ang mga foreign stars. Magkasunod na umalis ng bansa sina Rachel Weisz ng The Bourne Legacy at David Archuleta.

Bumalik na rin sa Sweden ang mag-inang Jenny at Cloie Syquia-Skarne.

SCENE: Sinusubukan ni Gabby Concepcion na makipag-communicate sa kanyang estranged daughter na si Cloie Skarne sa pamamagitan ng e-mail. Sinabi ng anak na hindi pa ito handa na makipagkita sa kanyang biological father noong bagong dating siya sa Pilipinas.

SEEN: Napagkakamalan na gay si Rhap Salazar dahil sa paggamit niya ng eyeliner sa mga kanyang mga eksena sa Luv U. Bad boy ang role ni Rhap sa bagong youth-oriented show ng ABS-CBN.

SCENE: Inilipat sa early timeslot ang Walang Hanggan ng ABS-CBN at itinapat ito sa My Beloved ng GMA 7. Mapapanood ang Walang Hanggang pagkatapos ng E-Boy.