Iza pasok sa Alta, makikipag-sabayan na kay Gretchen
From a source, itutuloy daw ng ABS-CBN ang Alta, ang soap nina Gretchen Barretto, Angelica Panganiban, at KC Concepcion, pero may pagbabago sa cast. Out na si KC dahil host siya ng X-Factor at ang ibang original cast ay sa ibang show ng network na nilagay.
Siguro naman, kasama pa rin si Gretchen dahil bagay sa kanya ang concept ng show at ang alam namin, namili siya ng mga damit at gamit para sa Alta, hanggang in-announce ng Channel 2 na kanselado na ang serye.
Hindi kami sure kung nasa original cast si Gabby Concepcion, pero binanggit siya sa bagong cast at join daw si Iza Calzado. Si Iza raw ang ipapalit kay KC at babaguhin ang story. If ever totoo, ang Alta ang magiging first soap ni Iza sa Channel 2, pero malapit na siyang mapanood sa MM K.
LJ bumuyangyang sa playboy
Sa March issue pala ng Playboy Philippines cover si LJ Reyes na hindi nito mabanggit ang magasin nang makausap namin sa presscon ng The Good Daughter at lalong hindi sinagot kung gaano siya ka-sexy.
Alam ng partner niyang si Paulo Avelino ang pictorial niya at sana raw maging proud ito, gaya nang pagiging proud niya sa sexy pictorial nito.
Sabi ni LJ, hindi siya nakikipagsabayan sa sexy pictorial ni Paulo para sa Bench, kaya pumayag siyang mag-cover sa Playboy Philippines. Naisip lang niya na habang bata pa siya at may kumukuha, bakit hindi niya gawin.
Natawa si LJ nang sabihin naming ang suwerteng bata si Aki dahil parehong sexy ang parents. Hindi pa nga naman alam ng bagets ang tungkol dito at ang gusto lang, ‘pag nasa bahay sila, dapat lagi silang magkasamang tatlo.
Pepito tsutsugihin na
Hanggang March na lang pala ang Pepito Manaloto, ang interactive sitcom ng GMA 7 every Sunday. Una na itong in-announce ni Atty. Felipe Gozon sa isang presscon, kinumpirma ng dalawa sa cast at ikinagulat ng isa pang cast.
Wala naman sigurong kinalaman ang pagbalik ni Carmina Villarroel sa ABS-CBN para tsugihin ang sitcom dahil sa napapanood namin, maayos ang takbo ng story kahit wala na ang karakter ng aktres.
Ang sabi, papalitan ng ibang sitcom ang Pepito Manaloto na concept din ni Michael V.
Regine gusto agad mag-repeat ng concert
Gustong naming hingin ang reaction ni Ogie Alcasid sa galit ni Mo Twister sa panggagaya niya sa controversial video nito na ipinakita sa concert.
Ang bilis nakarating kay Mo at mabilis din ang reaction sa Twitter. Hindi alam ni Ogie na habang nagpi-perform siya, nagtu-tweet ng galit sa kanya si Mo.
Anyway, kung may repeat ang concert nila ni Regine na Mr. & Mrs. A, gusto ni Regine na sa madaling panahon para hindi matagal ang ipaghihintay ng tao.
- Latest
